Łukašenka i Pucin damovilisia pa roŭminhu. Voś kolki budzie kaštavać internet
Sapraŭdnaja epapieja pa admienie roŭminhu pamiž Biełaruśsiu i Rasijaj, padobna, padychodzić da svajho finału. Havorka idzie pra kamfortnyja taryfy dla abanientaŭ.
Biełaruś i Rasija pryniali rezalucyju ab stvareńni kamfortnych taryfaŭ na pasłuhi suviazi ŭ dźviuch krainach. Novyja ŭmovy pavinny zapracavać z 1 sakavika 2025 hoda.
Ministr suviazi i infarmatyzacyi Biełarusi Kanstancin Šulhan raskazaŭ pra taryfy paśla admieny roŭminhu. Naprykład, kali taryfny płan uklučaje biaspłatnyja 300 chvilin dla zvankoŭ u inšyja sietki, to hetyja ž chviliny vykarystoŭvajucca i ŭ roŭminhu. Kali takich chvilin nie praduhledžana, košt zvanka ŭ roŭminhu składzie 11 biełaruskich kapiejek za chvilinu, piša BiełTA.
«Nie mienš za 300 chvilin hałasavych, ź jakich nie mienš za 150 — vychodnaha trafiku i nie mienš za 150 — uvachodnaha trafiku. Siaredniaje znachodžańnie ŭ roŭminhu — paradku piaci dzion. Byŭ praanalizavany partret abanienta ŭ roŭminhu, i hetyja chviliny — heta jakraz toje, kab kamfortna siabie adčuvać va ŭmovach znachodžańnia ŭ sietcy inšaha apieratara», — skazaŭ Kanstancin Šulhan.
Akramia taho, u roŭminhu možna budzie vykarystoŭvać 5 hihabajt mabilnaha internet-trafiku na lhotnych umovach: 1 hihabajt abydziecca ŭ 4 biełaruskija rubli.
Biełaruś i Rasija vyrašyli admianić roŭminh jašče ŭ 2017 hodzie. Z taho času krainy prapuścili niekalki kantrolnych dat, a čynoŭniki pieryjadyčna zajaŭlali, što roŭminh «voś-voś admieniać». Ale rašeńnie pastajanna pieranosiłasia.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary
Ili "20 let spustia".
Dva starca riešili problemu, kotoraja aktualna była 20 let nazad))))
Siejčas vsie po vajbiervm i tielehramam zvoniat