Minčanka paśliznułasia na prystupkach svajho padjezda, pałamałasia i adsudziła 11 000 rubloŭ
Usio adbyłosia jašče ŭ pačatku 2024 hoda. Dziaŭčyna viartałasia dadomu, u šmatpaviarchovik na vulicy Adeskaj. Ščaśliva prajšoŭšy šlach ad parkoŭki da padjezda, jana raptam paśliznułasia na abledzianiełaj leśvicy. Padzieńnie akazałasia z nastupstvami, piša Onliner.by.
Zhodna z zaklučeńniem miedykaŭ, minčanka «atrymała ciažkija cialesnyja paškodžańni ŭ vyhladzie pierałomaŭ inšych adździełaŭ halonki i zakrytaha askolčataha pierałomu abiedźviuch kostak pravaj halonki sa zrušeńniem».
Dziesiać dzion dziaŭčyna pralažała ŭ balnicy, pieraniesła apieracyju. A potym jašče bolš za try miesiacy znachodziłasia na ambułatornym lačeńni ŭ svajoj paliklinicy.
Kali haradžanka adčuła siabie lepš, jana vyrašyła źviarnucca ŭ sud. Za stan leśvicy adkazvaje tavarystva ŭłaśnikaŭ, supracoŭniki jakoha nie paturbavalisia ab tym, kab apracavać pavierchni procihałalodnymi srodkami.
Tak, minčanka prasiła sud spahnać z adkazčyka kampiensacyju maralnaj škody ŭ pamiery 20 000 rubloŭ, materyjalnuju škodu ŭ sumie 2874 rubloŭ (za paškodžanyja rečy), sudovyja vydatki pa apłacie dapamohi pradstaŭnika ŭ sumie 1650 rubloŭ, inšyja nieabchodnyja vydatki ŭ sumie 55,34 rubla.
Vyvučyŭšy spravu, sud Zavodskaha rajona pastanaviŭ spahnać z adkazčyka na karyść pazoŭnicy:
- materyjalnaja škoda ŭ sumie 1942,80 rubla;
- kampiensacyju maralnaj škody — 8000 rubloŭ;
- sudovyja vydatki pa apłacie dapamohi pradstaŭnika — 1000 rubloŭ;
- inšyja sudovyja vydatki ŭ sumie 40 rubloŭ.
U zadavalnieńni astatniaj častki patrabavańniaŭ pazoŭnicy admoŭlena.
Ź minčanki taksama była spahnana ŭ dachod dziaržavy pošlina ŭ sumie 45,56 rubla, z tavarystva ŭłaśnikaŭ — 217,14 rubla. Akramia taho, z adkazčyka na karyść pazoŭnicy spahnanyja sudovyja vydatki pa apłacie dapamohi pradstaŭnika ŭ sudzie apielacyjnaj instancyi ŭ sumie 400 rubloŭ.
Rašeńnie suda ŭstupiła ŭ zakonnuju siłu.
Dla KDB pabudujuć asobnuju balnicu na VIP-uzroŭni8
Kamientary