Para ažaniłasia z-za raźmierkavańnia. Sud pryznaŭ šlub niesapraŭdnym
Para vypusknikoŭ ažaniłasia hetym letam u Hrodnie. Ale paźniej źjavilisia sumnievy ŭ metach šlubu. Tak, chłopiec pavinien byŭ źjechać pracavać u inšy horad, ale paśla viasiella atrymaŭ pieraraźmierkavańnie.
Paźniej vyśvietliłasia, što maładyja nie žyvuć razam, nie znajomiać adno adnaho z baćkami i navat nie robiać sumiesnyja fota. Usio skončyłasia sudom, piša Onliner.by.
Z materyjałaŭ spravy viadoma, što chłopiec vučyŭsia na biudžecie ŭ Hrodzienskim miedycynskim univiersitecie, pryčym na ŭmovach metavaj padrychtoŭki. VNU jon skončyŭ sioleta i pa raźmierkavańni pavinien byŭ źjechać pracavać u Homiel. U červieni chłopiec ažaniŭsia: dziaŭčyna — vajskoŭka, tamu muža pakinuli ŭ Hrodnie i pieraraźmierkavali.
Ale ŭ sudzie vyśvietliłasia, što praz paŭhadziny paśla rehistracyi šlubu para raźjechałasia pa roznych damach.
Z taho momantu razam muž i žonka nie žyli, ahulnaha biudžetu i haspadarki nie viali.
«Na praciahu ŭsiaho pieryjadu času sumiesna nie fatahrafavalisia, nie znajomili svajakoŭ z mužam (žonkaj) i nie paviedamlali ab rehistracyi šlubu, nie akazvali dapamohi adno adnamu ŭ pieryjady časovaj niepracazdolnaści. Tak, adkazčyk S. nie naviedvaŭ H. u pieryjad jaje chvaroby i znachodžańnia na lačeńni ŭ miedustanovie va ŭmovach stacyjanara», — paviedamili ŭ sudzie.
Para iskavyja patrabavańni nie pryznała: kazali, što blizkija adnosiny ŭ ich byli da šlubu, a paśla viasiella nibyta jany ŭsio ž pravodzili čas razam.
Vyvučyŭšy ŭsie materyjały i zasłuchaŭšy śviedak, sud pryznaŭ šlub niesapraŭdnym. Taksama adkazčykaŭ abaviazali apłacić dziaržpošlinu: pa 60 rubloŭ z kožnaha.
Jak ciapier vyhladaje palitźniavoleny Ihar Łosik FOTA8
Kamientary
Anłajnier piša ŭ pasiŭnym stanie: "No pozžie pojaviliś somnienija v cielach braka." Nibyta jany sami niedzie źjavilisia. Haniebny stylistyčny padychod u žurnalistaŭ, jaki chavaje vinoŭnika.
Kali pahladzieć pieršakrynicu: "rassmotrieno hraždanskoje dieło po isku prokurora horoda Hrodno v intieriesach hosudarstva k S. i H.".
Značyć, abo sama prakuratura zajmajecca takimi pravierkami, abo niechta danios prakuroru, zdaŭ usie fakty. Idyjołahi VNU, znajomyja?
oj :/
harantirovannoje piervoje rabočieje miesto0