Žycharoŭ krainy papiaredzili pra častkovaje abo poŭnaje spynieńnie pastavak enierhii z 16 śniežnia, a ministr enierhietyki Viktar Parlikaŭ zvolnieny sa svajoj pasady.
Premjer-ministr Małdovy Doryn Rečan adznačyŭ, što Viktar Parlikaŭ dapuściŭ šerah pamyłak u kiravańni halinoj, jakija pryviali da krytyčnaj situacyi ŭ enierhietyčnym siektary. Ciapier premjer uziaŭ kiravańnie ministerstvam enierhietyki niepasredna na siabie.
Taksama Rečan zaklikaŭ da adstaŭki hienieralnaha dyrektara «Enierhakama» Viktara Bondara i člena naziralnaj rady kampanii «Małdovahaz» Serdžyu Tafiłata. Słužbovych asob abvinavačvajuć u tym, što jany, «prykryvajučysia biurakratyčnymi pracedurami», nie zakupili pryrodny haz letam, kali ceny byli našmat nižejšyja, i «nie zmahli zabiaśpiečyć patreby ŭ hazie na zimovy pieryjad».
«My staim na parozie składanaha chałodnaha siezona sa šmatlikimi ryzykami, i mienavita tamu ja vyrašyŭ źviarnucca ŭ parłamient z prośbaj uvieści nadzvyčajnaje stanovišča ŭ enierhietycy z 16 śniežnia 2024 hoda. Heta nadzvyčajnaje stanovišča budzie dziejničać da pieraadoleńnia situacyi, źviazanaj z hazazabieśpiačeńniem našych hramadzian. My pavinny być hatovyja da ŭsich scenaryjaŭ, tym bolš što na praciahu troch hadoŭ choład vykarystoŭvajecca jak zbroja suprać ludziej va ŭsim rehijonie», — skazaŭ Rečan.
U pryvatnaści, nacyjanalnamu apierataru Moldelectrica daručana być hatovym impartavać elektraenierhiju z Rumynii.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary
a tut vdruh došło!!! otkryłaś istina i prośvietlenije..