Minčanka paznajomiłasia na vulicy z dvuma mužčynami i atrymała trynaccatuju sudzimaść
Adzin z novych znajomych «naparoŭsia na nož», ale heta pa viersii žančyny.
Historyja zdaryłasia na vulicy Uschodniaj u Minsku. 41-hadovaja žančyna na vulicy paznajomiłasia z dvuma mužčynami, kampanija vyrašyła razam vypić u kvatery.
Uviečary haspadar zaŭvažyŭ, što jaho pryjaciel ryjecca ŭ sumačcy ŭ novaj znajomaj i sprabuje skraści hrošy, i zrabiŭ jamu zaŭvahu.
Heta pačuła žančyna: nie doŭha dumajučy, jana ŭziała nož i ŭdaryła złodzieja ŭ žyvot, pišuć «Minsk-Naviny».
Paciarpieły nibyta sam admoviŭsia ad vykliku chutkaj: jon patłumačyŭ, što znachodziŭsia na chatniaj chimii, tamu bajaŭsia prablem. Vyrašyli spraŭlacca svaimi siłami: haspadar doma patelefanavaŭ pryjacielu i paprasiŭ pryvieźci binty i zialonku.
Niekalki dzion mužčynu apracoŭvali ranu, jon piŭ abiazbolvajučaje i zapivaŭ ałkaholem. Praz try dni novy znajomy pamior. Žančyna ŭciakła, a milicyju i chutkuju vyklikaŭ haspadar kvatery.
Nieŭzabavie žančynu zatrymali, jaje abvinavacili ŭ naŭmysnym pryčynieńni ciažkaha cialesnaha paškodžańnia, što paciahnuła pa nieaściarožnaści śmierć paciarpiełaha. Pry hetym vinu jana nie pryznała: skazała, što 36-hadovy zahinuły nibyta sam naparoŭsia na nož.
Vyśvietliłasia, što ŭ žančyny było ŭžo 12 sudzimaściaŭ, jana nidzie nie pracavała. Sud pryznaŭ jaje vinavataj i pryznačyŭ 9 hadoŭ kałonii ahulnaha režymu. Akramia taho, žančynu buduć prymusova lačyć ad ałkahalizmu.
Kamientary
Turmy, prytony, śmietniki, mohiłki...
A tut niejkaja kryŭda losu vyciahnuła sutki, chimii, kryminałki i etapy ŭ centr hramadskaj refleksii.
A tam takich historyj chapaje.