Cana bitkojna ŭpieršyniu ŭ historyi pieravysiła 100 tysiač dalaraŭ
Cana bitkojna ŭpieršyniu ŭ historyi padniałasia vyšej za $100 tys. — u 5:39 pa Minsku na biržy Binance była zafiksavana cana ŭ $100184.
U listapadzie kryptavaluta pačała raści ŭ canie paśla vybaraŭ prezidenta ZŠA, na jakich atrymaŭ pieramohu Donald Tramp. Na toj momant cana była na adznacy $68 tys.
Taki rost źviazany z zajavami respublikanca ab kryptavalutnym rynku. Tramp, u pryvatnaści, abiacaŭ zrabić ZŠA «kryptastalicaj płaniety» i nazapasić zapas bitkojnaŭ. «Kali kryptavaluta budzie vyznačać budučyniu, ja chaču, kab jaje majnili, čakanili i vyrablali ŭ ZŠA», — zajaviŭ Tramp.
Ekśpierty, apytanyja Reuters u pieršaj pałovie listapada, adznačali vyklučnuju zasłuhu Trampa ŭ pavyšeńni cany bitkojna. Analityk rynku ATFX Global u Sidnei Nik Tvidejł kazaŭ, što budučy prezident padtrymlivaje halinu, a sama kryptavaluta, mabyć, była niedaacenienaja. Jak pakazvaŭ hałoŭny inviestycyjny dyrektar kampanii pa kiravańni kryptavalutnymi aktyvami Astronaut Capital Mećju Dzib, palityka Trampa pavialičvaje šancy taho, što inšyja dziaržavy pačnuć kuplać bitkojny, «sprabujučy apiaredzić ZŠA».
Na fonie pavyšeńnia cany bitkojna taksama stali raści akcyi kampanij, jakija zajmajucca majninham i handlem kryptavalutami.
Kamientary
niet nikakoj roli ni vyboram ni trampu v rostie bitkoina..
u bitkoina 4-ch letnij cikł rosta i otkata... siejčas - faza rosta do viesny.
on vyros by v LUBOM słučaje.
i da.. eto tolko samoje načało rosta... vsie, kto v tiemie, eto priekrasno znajut, a ostalnyje iskrieńnie uivlajutsia "oj kak vyros bitkoin"..
jeŝie i nie to budiet .. jeŝie i 150 uvidim.. i VOZMOŽNO - 200.