Načalniki Hienštaboŭ Rasii i ZŠA praviali tajemnuju telefonnuju razmovu
Telekampanija ABC i hazieta New York Times paviedamili, što načalnik rasijskaha Hienieralnaha štaba Valeryj Hierasimaŭ na minułym tydni mieŭ «vielmi niezvyčajnuju» telefonnuju razmovu sa staršynioj Abjadnanaha kamiteta načalnikaŭ štaboŭ ZŠA hienierałam Čarlzam Braŭnam.
Hierasimaŭ patelefanavaŭ Braŭnu 27 listapada i papiaredziŭ ab budučych vyprabavalnych puskach hipierhukavych rakiet z rasijskich karabloŭ u Mižziemnym mory. 3 śniežnia rasijskaje Ministerstva abarony abviaściła publična, što vyprabavańnie adbyłosia va ŭschodniaj častcy Mižziemnaha mora, piša Radyjo Svaboda.
Pa źviestkach New York Times, Hierasimaŭ taksama skazaŭ amierykanskamu kalehu, što vyprabavańnie novaj rakiety, jakuju Kreml nazyvaje «Arešnik», było zapłanavana zadoŭha da taho, jak administracyja Bajdena dazvoliła Ukrainie ŭžyvać ATACMS pa celach na pryznanaj terytoryi Rasii.
Uładzimir Pucin pradstaŭlaŭ udar hetaj rakietaj jak adkaz na pieršy ŭdar ATACMS pa rasijskaj terytoryi.
ABC i New York Times paviedamlajuć pra źmiest hutarki sa słoŭ ananimnych krynic u Pientahonie. Pres-sakratar Braŭna, kapitan Džerył Dorsiej, paćvierdziŭ fakt telefanavańnia i dadaŭ, što «pa prośbie hienierała Hierasimava hienierał Braŭn pahadziŭsia nie abviaščać pra źmiest zvanka pa svajoj inicyjatyvie».
Maskva pakul ničoha nie paviedamlała pra hetuju razmovu.
-
«Čaša pierapoŭniena». Kandydat u kanclery Hiermanii prapanavaŭ žorstki płan pa baraćbie ź nielehalnaj mihracyjaj
-
Spravu rasijskaha palitołaha Suzdalcava ab paklopie na Łukašenku viarnuli na daśledavańnie ŭ prakuraturu
-
Na «Jeŭrabačańnie» ad Izraila pajedzie dziaŭčyna, jakaja vyžyła padčas napadu CHAMAS na fiestyval Nova
Dla KDB pabudujuć asobnuju balnicu na VIP-uzroŭni8
Kamientary