Ctvorana inicyjatyŭnaja hrupa pa praviadzieńni respublikanskaha refierendumu suprać pavieličeńnia mytnych pošlin na ŭvaznyja aŭtamabili.
Ctvorana inicyjatyŭnaja hrupa pa praviadzieńni respublikanskaha refierendumu suprać pavieličeńnia mytnych pošlin na ŭvaznyja aŭtamabili.
U pieršym schodzie hrupy 28 lutaha ŭziali ŭdzieł prykładna 100 čałaviek. U adpaviednaści z zakanadaŭstvam uvajści ŭ skład inicyjatyŭnaj hrupy pa praviadzieńni refierendumu mohuć ad 100 da 200 čałaviek.
Hrupu ŭznačaliŭ namieśnik staršyni Partyi BNF Ihar Lalkoŭ. U jaje skład uvajšli pradstaŭniki Partyi BNF, ruchu «Za Svabodu», arhkamiteta partyi «Biełaruskaja chryścijanskaja demakratyja», ruchu salidarnaści «Razam» i inšyja hramadskija aktyvisty.
Paśla schodu členy inicyjatyŭnaj hrupy pavinny nataryjalna zavieryć svaju zhodu brać udzieł u jaje pracy. Zajavu na rehistracyju hrupy płanujecca padać u Centralnuju vybarčuju kamisiju pa vybarach i praviadzieńni respublikanskich refierendumaŭ 25 sakavika.
Inicyjatyva praviadzieńnia takoha refierendumu była ahučana Partyjaj BNF u śniežni 2009 hoda. Pradstaŭniki partyi ŭpeŭnieny, što stvareńnie Mytnaha sajuza Biełarusi, Kazachstana i Rasii ihnaruje intaresy prostych biełarusaŭ, a taksama ajčynnaha biźniesu.
«Biełaruskich intaresaŭ tut niama. Pavieličeńnie pošlin niavyhadna prostym ludziam, pradaŭcam, biudžetu, pryčym u najbolšaj stupieni heta ŭdaryć pa niebahatych siemjach, jakija kuplajuć niedarahija aŭtamabili», — zajaviŭ na siońniašnim schodzie staršynia Partyi BNF Alaksiej Janukievič.
U 2009 hodzie ŭ suviazi z pavieličeńniem pošliny ŭ Rasii i suśvietnym ekanamičnym kryzisam uzrovień nabyćcia impartnych aŭtamabilaŭ u Rasii ŭpaŭ da 9,7 na 1 tys. čałaviek, u Biełarusi — da 17.
Pavodle padlikaŭ Babajcava, u vyniku pavieličeńnia pošlin ahulny abjom nie nabytych biełarusami aŭtamabilaŭ za piać hadoŭ składzie 500 tysiač. Vyjści na ŭzrovień spažyvańnia impartnych aŭtamabilaŭ 2008 hoda Biełaruś zmoža nie mienš čym praz 10 hadoŭ.
Analityk zaznačyŭ, što paśla pavieličeńnia pošlin značnaj častcy biełarusaŭ daviadziecca karystacca starymi aŭtamabilami rasijskaj vytvorčaści. Dla naładžvańnia vytvorčaści aŭtamabilaŭ biełaruskaj zborki ŭładam spatrebicca nie mienš jak
Aŭtamabili źjaŭlajucca adnoj z asnoŭnych tavarnych pazicyj, pa jakich dla Biełarusi adbyłosia najbolš značnaje pavyšeńnie pošlin u miežach Mytnaha sajuza.
Pakul pavyšeńnie zakranuła jurydyčnych asob i indyvidualnych pradprymalnikaŭ: z novaha hoda pošliny daviedzieny da ŭzroŭniu rasijskich, pryčym na niekatoryja impartnyja aŭtamabili jany pavialičylisia ŭ 10 razoŭ.
Dla fizičnych asob u miežach Mytnaha sajuza novyja praviły ŭvozu aŭtamabilaŭ pakul nie vyznačany. Čakajecca, što pošliny na ŭvoz transpartnych srodkaŭ fizičnymi asobami pavysiacca z 1 lipienia 2010 hoda, kali pavinien ustupić u siłu Mytny kodeks i zapracavać u poŭnym abjomie Mytny sajuz Biełarusi, Kazachstana i Rasii.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary