Biełarusa, jakoha zatrymali na pratestach u Hruzii, vyzvalili ź SIZA
Jak raspavioŭ «Miedyjazonie» Jaŭhien Muravicki, jaho adpuścili 2 śniežnia kala 7 ranicy.
Na biełarusa skłali pratakoł pavodle artykuła ab «abrazie śpiecnazaŭca», ale paśla vyzvaleńnia ź SIZA nie vydali na ruki dakumienty.
Na 3 śniežnia jamu pryznačany vizit u mihracyjnuju słužbu.
Pra zatrymańnie Jaŭhiena stała viadoma 30 listapada.
Pratesty ŭspychnuli ŭ krainie z novaj siłaj 28 listapada paśla zajavy premjer-ministra Iraklija Kabachidze ab zamarožvańni da 2028 hoda pieramovaŭ ab ustupleńni Hruzii ŭ Jeŭrasajuz i admovie ad lubych biudžetnych hrantaŭ z boku ES.
28 i 29 listapada ŭ Tbilisi ŭ vyniku sutyknieńniaŭ, pavodle źviestak MUS, było zatrymana 150 čałaviek (43 i 107 adpaviedna).
Muravickaha zatrymali naraŭnie z 8 hramadzianami Rasii i adnym amierykancam. Miascovyja pravaabaroncy, apazicyjnyja žurnalisty i palityki acanili dziejańni palicyi jak nieadekvatnyja, asabliva 29 listapada: na videakadrach bačna, jak siłaviki źbivajuć ludziej, jakija lažać; akramia taho, paciarpieli pradstaŭniki ŚMI.
30 listapada na vulicach Tbilisi i inšych haradoŭ prajšli samyja masavyja akcyi, jakija padtrymlivaje prezident Zurabišvili, jakaja maje pa Kanstytucyi abmiežavanyja paŭnamoctvy.
Siłavikam, jakija padparadkoŭvajucca ŭradu, upieršyniu nie ŭdałosia razahnać pratestoŭcaŭ, i akcyja bieź pierapynku praciahnułasia 1 śniežnia. Zatrymanych u treci dzień było mienš — 50 čałaviek.
Ludzi stajać u čarzie pa dvoje sutak — znoŭ pa kvatery ŭ Minsku2
Kamientary
Svaich nie kidajem!