Tramp pryznačyŭ kiraŭnikom Dziarždepa sienatara Marka Rubia, kiraŭnikom Nacyjanalnaj vyviedki stała Tałsi Habard.
Abrany prezident ZŠA Donald Tramp pryznačyŭ sienatara ad Fłarydy Marka Rubia na pasadu kiraŭnika Dziaržaŭnaha departamienta ŭ svajoj budučaj administracyi.
Tym časam kamientatar kansiervatyŭnaha telekanała Fox News i byłaja kanhresvumen Tałsi Habard atrymała pasadu kiraŭnika Nacyjanalnaj vyviedki.
U studzieni, kali ŭ ZŠA aficyjna adbudziecca źmiena administracyi, Rubia stanie pieršym łacinaamierykancam (ale naradziŭsia jon u štacie Fłaryda) na pasadzie kiraŭnika Dziarždepartamienta.
U minułym Rubia nieadnarazova vystupaŭ za ŭzmacnieńnie žorstkaści źniešniaj palityki ZŠA ŭ dačynieńni da «hieapalityčnych vorahaŭ» Amieryki, uklučajučy Kitaj, Iran i Kubu.
Jon taksama hałasavaŭ suprać vyłučeńnia Kanhresam Kijevu apošniaha pakieta amierykanskaj dapamohi.
Tałsi Habard viadomaja jak praciŭnik vajennaj dapamohi Kijevu.
22 lutaha 2022 hoda, kali pačałosia poŭnamaštabnaje ŭvarvańnie rasijskich vojskaŭ va Ukrainu, jana napisała ŭ sietcy Ch: «Hetaj vajny i ŭsich pakut možna było lohka paźbiehnuć, kali b administracyja Bajdena i NATO prosta pryznali lehitymnyja aściarohi Rasii ŭ halinie biaśpieki ŭ suviazi z patencyjnym členstvam Ukrainy ŭ NATO, što aznačała b prysutnaść amierykanskich i nataŭskich vojskaŭ prosta na rasijskaj miažy».
18-hadovaja dziaŭčyna źniała videa ŭ tyktoku, imavierna, pra svajho chłopca-milicyjanta — jaje zatrymali za niepavahu da orhanaŭ7
Kamientary
Budzie vielmi cikava.
Iran, Rasieja, Hiermanija, Kitaj - vam padrychtavacca, budziecie adhrabać.
AAN - zaciskajem pajasy. Suśvietnaja arhanizacyja achovy zdaroŭja - za kavid pryjdziecca adkazać.
Huhł pierastanie być manapalistam. A moža i prosta pierastanie być.
NATO začynić nieba nad Ukrainaj.