Kanał Ramana Pratasieviča apublikavaŭ fota Maryi Kaleśnikavaj z baćkam.
«Siońnia sustrelisia z Maryjaj» — padpisaŭ apublikavanaje fota Pratasievič.
Sustreča Kaleśnikavaj z tatam adbyvałasia ŭ turemnaj balnicy. Byłyja palitźniavolenyja paznali anturaž miesca zdymkaŭ.
Nieviadoma, ci Kaleśnikava zaraz prachodzić lačeńnie, ci jaje pryviali z pamiaškańnia kamiernaha typu, dzie, chutčej za ŭsio, utrymlivajuć.
Apošni raz Maryja i jaje tata bačylisia ŭ śniežni 2022.
23 kastryčnika Alaksandr Łukašenka zajaviŭ karespandentu VVS Styvienu Rozenbierhu, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ.
Taksama Łukašenka tady adkazaŭ na pytańnie pra mahčymaje pamiłavańnie dla Maryi.
«U nas jość zakon: čałaviek uśviadomiŭ svaju vinu, jon źviarnuŭsia da prezidenta (jak i ŭ mnohich inšych krainach) z prośbaj ab pamiłavańni — nu što ž, my razhledzim. Kali budzie taki zvarot Kaleśnikavaj, ja abaviazkova razhledžu», — skazaŭ Łukašenka.
Maryja Kaleśnikava, asudžanaja na 11 hadoŭ kałonii, adbyvaje pakarańnie ŭ Homielskaj PK-4. Apošni list ad jaje rodnyja atrymali 15 lutaha 2023 hoda. Da Maryi ŭvieś hety čas nie moh trapić advakat, joj zabaronienyja pasyłki.
-
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem
-
«Nie jem paśla šostaj i kožny dzień rablu «nažnicy». Sakrety badzioraści i historyja žyćcia 99-hadovych siaścior-bliźniatak z Vaŭkavyska
-
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary