Biełaruś pakazali ŭ brytanskim sieryjale — takoj Smarhoni vy jašče nie bačyli
Dniami vyjšaŭ brytanski sieryjał «Dzień Šakała» — historyja adnajmiennaha kilera, jakoha pa ŭsioj Jeŭropie šukaje supracoŭnica śpiecsłužbaŭ. U pahoni za Šakałam brytanku z kalehami zaniesła i ŭ Biełaruś.
«Dzień Šakała» — ekranizacyja adnajmiennaha ramana 1971 hoda piśmieńnika Frederyka Forsajta. U hałoŭnaj roli — Edzi Redmejn, anhlijski akcior i łaŭreat «Oskara».
Redmejn hraje supierprafiesijnaha kilera pa mianušcy Šakał, jakoha šukaje Bjanka, supracoŭnica brytanskich śpiecsłužbaŭ. Žančyna vyśviatlaje, chto, chutčej za ŭsio, moh by vyrabić zbroju, jakoj karystajecca Šakał — ślady ad taho zbrojnika viaduć u Biełaruś, kali dakładniej, u Smarhoń.
U druhoj sieryi tudy źbirajecca i Bjanka z kalehami. Brytancy traplajuć u Smarhoń praz Łatviju — jany prylatajuć u Ryhu i dalej pierasiakajuć miažu, pryčym kaleha Bjanki adznačaje, što Biełaruś stavicca da ich dziejańniaŭ vielmi varoža.
Va ŭjaŭleńni brytanskich scenarystaŭ Biełaruś i ŭłasna Smarhoń pakrytyja lasami. U hetaj Smarhoni ahienty znachodziać stary katedž, dzie i chavajecca zbrojnik, i sprabujuć jaho zatrymać, ale ŭsio idzie nie pa płanie.
U «Dni Šakała» budzie 10 sieryj, ź ich vyjšła ŭžo 5. Sieryjał dobra pryniali — naprykład, na ŭpłyvovaj płatformie IMDb jon maje rejtynh 8,1 bała z 10.
«Naša Niva» — bastyjon biełaruščyny
PADTRYMAĆPaśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku13
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary