«Znajomy zabraŭ pasyłku, zaraziŭsia psutaj i pamior». Tarołah z Homiela nahreła hramadzianku Hiermanii na 10 tysiač jeŭra
Ruskamoŭnaj žančynie z Hiermanii trapiłasia ŭ tyktoku videa z tarołaham z Homiela. Heta žančyna vyrašyła zadać pytańnie pra asabistaje žyćcio i daviedałasia pra psutu, jakaja nibyta jość u jaje maci i pieradajecca na dačku, paviedamlaje SK.
Letam 41-hadovaja žycharka niamieckaha horada zacikaviłasia videa z vystupam tarołaha ź Biełarusi. Jana dałučyłasia da pramoha efiru i zadała pytańnie pra asabistaje žyćcio.
«Śpiecyjalistka» imhnienna vyznačyła najaŭnaść surjoznych prablem i prapanavała stelefanavacca. U nastupnaj razmovie varažbitka raspaviała ab śmiarotnaj psucie ŭ maci nieščaślivaj žančyny, jakaja raspaŭsiudžvajecca i na dačok. Varažbitka prapanavała biaspłatnuju «čystku» šlacham sumiesnych malitvaŭ.
Uražlivaja žančyna pahadziłasia na mistyčny abrad, vysłała fota maci i 204 jeŭra na kuplu śviečak.
Varažbitka praviała niekalki videasieansaŭ i paviedamiła, što korań usich bied u załatych upryhožvańniach maci.
Zatym pieraklučyłasia na starejšuju žančynu. U adras uładalnicy juvielirnych vyrabaŭ pasypalisia žachlivyja praroctvy.
Varažbitka pierakonvała, što dla vyratavańnia žyćciaŭ nieabchodna terminova ačyścić vyraby abo zakapać ich nočču na mohiłkach. Paśla čakanaj admovy stała nastojliva prapanoŭvać svaju dapamohu, manipulujučy baćkoŭskimi pačućciami.
U vyniku maci adpraviła varažbitcy dla ačystki svaje piarścionki, zavušnicy, łancužki i inšyja załatyja vyraby na 10 tysiač jeŭra. I nieŭzabavie dla jaje nastupili sapraŭdy «čornyja dni».
Tarołah prydumała historyju pra svajho znajomaha, jaki zabraŭ pasyłku, zaraziŭsia psutaj i pamior. Žančyna razam z dačkoj stali hniaścisia vinoj za śmierć šmatdzietnaha baćki. Zatym pryjšła navina, što zołata nie paddajecca čystcy, i jaho pryjdziecca niezvarotna zakapać…
Praź niekatory čas svajački ŭśviadomili padman i źviarnulisia da milicyi. «Śpiecyjalistam» z tyktoku akazałasia niepracujučaja 35-hadovaja žycharka Homiela.
Homielskim haradskim adździełam Śledčaha kamiteta ŭ dačynieńni da jaje zaviedziena kryminalnaja sprava pa č. 3 art. 209 (machlarstva ŭ bujnym pamiery).
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»9
Kamientary