Eks-ministr infarmacyi Łucki staŭ vieści «Kontury» na kanale ANT — jaki sam i ŭznačalvaje
Były hałoŭny ideołah krainy viarnuŭ prahramu ŭ efir i sam staŭ u kadr.
ANT napiaredadni pradstaviŭ staruju novuju vynikovuju infarmacyjnuju prahramu. U efir viarnulisia zvykłyja «Kontury», ale z novym viadoŭcam. Pracavać u kadry staŭ kiraŭnik telekanała Ihar Łucki.
«Kontury» zakryli letaś. Apošni vypusk staroj prahramy vyjšaŭ 27 žniŭnia, jaho vioŭ Ihar Poźniak. Paśla hetaha pa niadzielach vychodziła inšaja vynikovaja prahrama — «Naš čas».
Ciažka skazać, što źmianiłasia ź pierazapuskam prahramy. Farmat zastaŭsia raniejšym — asnoŭnyja, pavodle mierkavańnia aŭtaraŭ, siužety za tydzień z kamientarom novaha viadoŭcy. Jaho asoba — heta, ułasna, i jość hałoŭnaja navinka, dziela jakoj, mahčyma, «Kontury» i viarnulisia ŭ efir.
Łucki vyrašyŭ dapoŭnić zvykłuju rolu administratara nie zusim zvykłaj rolaj viadoŭcy — i adrazu ŭ hałoŭnaj infarmacyjnaj prahramie kanała. U pieršym vypusku adsutnaść adpaviednaha dośviedu ŭ eks-ministra infarmacyi kidałasia ŭ vočy.
Ihar Łucki ŭznačaliŭ ANT u červieni, źmianiŭšy Marata Markava, jaki pajšoŭ na pavyšeńnie va ŭrad. Da hetaha vypusknik fakulteta radyjofiziki BDU pracavaŭ u prafsajuzach, byŭ namieśnikam dyrektara BiełTA, namieśnikam ministra infarmacyi i dyrektaram STV.
Uletku 2020-ha jon uznačaliŭ Mininfarm, u krasaviku 2021-ha zaniaŭ kresła hałoŭnaha ideołaha ŭ administracyi Łukašenki i staŭ adnym z hałoŭnych architektaraŭ represij suprać niezaležnych ŚMI. Pry Łuckim praktyčna ŭsie niepadkantrolnyja ŭładam miedyja byli pryznanyja «ekstremisckimi» i vycisnutyja z krainy.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku13
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary