«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK
Tolki paśla hetaha jon vyzvalić palitviaźniaŭ, miarkuje piśmieńnica.
U novym vypusku TOKu piśmieńnica i nobieleŭskaja łaŭreatka Śviatłana Aleksijevič parazvažała pra toje, što moža prymusić Łukašenku vyzvalić palitviaźniaŭ. Jana zaŭvažyła, što na dadzieny momant nie bačyć nijakaj mahčymaści. «Jon stavicca da ich jak da tavaru».
Aleksijevič raskazała, što padpisvała šmat listoŭ, havaryła pra hetu prablemu z prezidentam Francyi Makronam.
«Ja navat zvaniła Makronu i havaryła ź jaho pamočnikami, pierad hetym taksama ź im havaryła. «Niešta treba rabić. Łukašenka sprabuje paviarnucca ŭ bok Jeŭropy. Moža być, hetyja jaho vahańni vykarystać?» Ja nie vieryła, što jon adpuścić Maryju [Kaleśnikavu], ale chacia b dziasiatak inšych ludziej vyzvalić.
Mnie skazali: «Viedajecie, čaho jon zachoča? Jon zachoča źniaćcia sankcyj, a my heta nie možam zrabić». I heta tak. Jany na heta nie pojduć», — dzielicca Aleksijevič niekatorymi aśpiektami razmovy.
«Vyzvalić ludziej moža, tolki kali budzie katastrofa Pucina. I Łukašenka pieršy heta adčuje. I voś tady pačniecca niejki handal», — adznačaje Aleksijevič.
Hladzicie całkam:
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary
Druhi punkt — zabastoŭka. Pryznačyć kožnamu kiroŭcu hramadskaha transpartu i mašynistu dapamohu, jakaja pieravyšaje zarpłatu ŭ 3 razy. Naprykład, u horadzie Śvisłač Hrodzienskaj vobłaści kiroŭcy atrymlivajuć 700 rubloŭ, a ŭ Minsku — kala 2000–2300 rubloŭ. U kibierpartyzan jość bazy FSZN, možna znajści ŭsiu infarmacyju praz «voka Boha», uklučajučy sacyjalnyja sietki i numary telefonaŭ, i vyjści ź imi na suviaź praz Telegram, «UKantakcie», Facebook, Instagram i inš. Usiaho kiroŭcaŭ i mašynistaŭ kala 10 000 (źviestki čata GPT). Stanie hramadski transpart — spynicca ŭsia kraina. Zamianić usich «štrejkbrechierami» nie atrymajecca: naprykład, im treba budzie zabiaśpiečyć žyllo, kali ich pryviazuć z RF; pa-druhoje, u ich tam samich budzie deficyt kiroŭcaŭ; pa-treciaje, u RF zastanucca ich siemji, to-bok, adpracujuć miesiac-dva, a potym zachočuć viarnucca.
Dzie ŭziać hrošy? Arhanizavać fond «Demakratyčnaja Biełaruś» u ZŠA, kudy Arkadź Dabkin moh by achviaravać hrošy — jahony kapitał, zdajecca, kala 3 miljardaŭ — i atrymać skaračeńnie padatkaŭ na hetu sumu.
Biełarusy — prahmatyčnyja ludzi, tamu i płan demakratyzacyi pavinien być prahmatyčnym.