Vajenkar zajaviŭ, što rasijskija desantniki ŭ Kurskaj vobłaści apynulisia ŭ akružeńni
Z-vajenkar Juryj Padalaka raspavioŭ pra situacyju na kurskim kirunku na 10 listapada.
Padalaka piša, što na hetym učastku jaki dzień iduć bai.
«Pryčym, miarkujučy pa tym, što adbyvajecca ŭžo druhi dzień, praciŭnik (a paŭtaru jašče raz, tut u praciŭnika nazapašanyja reziervy i jon mieŭ płany nastupać, a my prosta zhulali na apiaredžańnie) pastupova niejtralizuje tyja pahrozy, jakija ŭ jaho źjavilisia, kštałtu praryvu kałony 810-aj bryhady praz n.p. Pahrabki na poŭdzień.
Tyja našy čaści, jakija byli vysadžany z broni ŭ niekalkich miescach zaniali kruhavuju abaronu i da ich pakul nichto prabicca nie moža. Usie nibyta nami ŭ toj dzień vyzvalenyja vioski na ciapier znachodziacca pad amal poŭnym kantrolem praciŭnika», — piša Padalaka.
Pavodle jaho słoŭ, u cełym pahrozu ad rasijskaha praryvu USU łakalizavali.
«Uvieś pośpiech byŭ u pieršyja dni. Dalejšaje prasoŭvańnie ŭhrazła ŭ abaronie praciŭnika», — piša błohier.
«Pa vyniku majem taktyčnyja pośpiechi, jakija navat u apieratyŭna-taktyčnyja dacisnuć my nie zmahli», — dadaje Padalaka.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary
A siehodnia on prosto otkatił svoj nastup na ischodnyje, čtob Kijev nie vziať nienarokom zabyvšiś