Syn sakratara Rady biaśpieki Valfoviča vykonvaje abaviazki kamandzira 120-j bryhady
Jahony dziadźka, jaki ŭ svoj čas byŭ u čačenskim pałonie, taksama pajšoŭ na pavyšeńnie.
U 120-j hvardziejskaj miechanizavanaj bryhadzie adbylisia śviatočnyja mierapryjemstvy, pryśviečanyja Dniu vajskovaj raźviedki. Jak paviedamlaje telehram-kanał bryhady, vitalnaje słova kazaŭ vykanaŭca abaviazkaŭ kamandzira padpałkoŭnik Maksim Valfovič. Heta syn sakratara Rady biaśpieki Alaksandra Valfoviča.
Cikava, što Valfovič-starejšy ŭ kancy 2000-ch taksama ŭznačalvaŭ 120-ju bryhadu.
Infarmacyi, čamu na mierapryjemstvie adsutničaŭ kamandzir bryhady Ihar Hiehielski, niama, navin pra jaho adstaŭku nie było.
34-hadovy Maksim Valfovič — vajskoviec u čaćviortym pakaleńni. Raniej jon kamandavaŭ miechanizavanym bataljonam pry 6-j bryhadzie ŭ Hrodnie, a paśla pracavaŭ u Vajskovaj akademii.
Sioleta na pavyšeńnie pajšoŭ i jaho dziadźka. Dźmitryj Valfovič, brat sakratara Rady biaśpieki, staŭ vajskovym kamisaram Viciebskaj vobłaści (raniej byŭ namieśnikam).
Jaho bijahrafija pakručastaja — u siaredzinie 1990-ch jon byŭ zavierbavany Fiederalnaj słužbaj kontrraźviedki Rasii, tamu ŭdzielničaŭ u rasijska-čačenskaj vajnie nie ŭ składzie rasijskaj armii, a siarod čačenskaj apazicyi Džacharu Dudajevu, jakaja, na dumku kontrraźviedki, i pavinna była ŭziać uładu ŭ respublicy. Urešcie Dźmitryj Valfovič trapiŭ u pałon da dudajeŭcaŭ i byŭ vyzvaleny ŭ śniežni 1994 hoda.
Dziadula ź Viciebska zapościŭ fota sa skrynkaj ad televizara i staŭ zorkaj tyktoku. A jaho siabar pieratvaryŭsia ŭ miem4
Kamientary