«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami
Biełaruski tvitar aburyŭsia vykazvańniami doktarki ź Minska, jakaja napisała, što jaŭrei zasłuhoŭvajuć hareć u piečach. Žančyna ŭ adkaz paabiacała aburanym pieradać danyja ź ich akaŭntaŭ biełaruskim siłavikam.
1 listapada ŭ tvitary źjaviŭsia dopis doktara Alesi Biełavus — aniestezijołaha-reanimatołaha z 3-j dziciačaj balnicy ŭ Minsku.
Žančyna zajaviła, što «joj jak biełabrysaj słaviancy bolš za ŭsio paskudstvaŭ pryčyniaje jaŭrejonyš» i što «pry ŭsioj jaje maksimalnaj talerantnaści nichto nie źjaŭlajecca takim vadkim čmom, jak žydzionyšy».
Tvit pa stanie na ranak 3 listapada prahladzieli 58 tysiač čałaviek, a prakamientavali — zvyš 400, što rezka kantrastuje pa papularnaści z usimi papiarednimi publikacyjami ŭ akaŭncie žančyny.
Kamientatary sprabavali prysaromić lekarku, jana ahryzałasia ŭ adkaz.
Na fonie krytyki doktarka napisała jašče niekalki tvitoŭ, u adnym ź jakich pažadała jaŭrejam «hareć u piečach», supravadžajučy heta simvałam padtrymki Paleściny. Potym toj dopis žančyna vydaliła, ale kamientatary jaho zaskrynili.
Taksama doktarka stała pahražać svaim krytykam, što źviernie na ich uvahu siłavikoŭ, adnak joj samoj napisali, što taja nahavaryła na 130-y artykuł KK RB «ab raspalvańni rasavaj, nacyjanalnaj, relihijnaj ci inšaj varožaści».
Chto takaja doktarka Biełavus?
Žančynu zavuć Alesia Biełavus, jana vypusknica Hrodzienskaha dziaržaŭnaha miedycynskaha ŭniviersiteta i z 2018 pracuje aniestezijołaham-reanimatołaham u 3-im haradskim dziciačym špitali ŭ Minsku.
U sacsietkach žančyna vykazvała vielizarnuju luboŭ «da svaich maleńkich pacyjentaŭ».
Miarkujučy pa jaje papiaredniaj aktyŭnaści ŭ tvitary, Biełavus padtrymlivaje Alaksandra Łukašenku i Rasiju, krytykuje Śviatłanu Cichanoŭskuju i pieryjadyčna ŭdzielničaje ŭ palityčnych abmierkavańniach pa biełaruskaj i ŭkrainskaj tematycy.
«Naša Niva» — bastyjon biełaruščyny
PADTRYMAĆPaśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku13
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary