Upieršyniu ŭłady amierykanskaha štata zabaranili vakcynacyju ad COVID-19 u orhanach achovy zdaroŭja
Zabarona na vakcynacyju ŭ šaści akruhach Ajdacha stała pieršym takim precedentam u ZŠA.
Rehijanalny departamient achovy zdaroŭja ŭ Ajdacha bolš nie budzie prapanoŭvać vakcynacyju ad COVID-19 žycharam šaści akruhaŭ štata. Adpaviednaje rašeńnie było pryniata savietam pa achovie zdaroŭja Paŭdniova-Zachodniaha rajona Ajdacha (4 hałasy «za», 3 «suprać»), paviedamlaje Hołas Amieryki.
Paŭdniova-Zachodni rajon štata stanie pieršaj terytoryjaj ZŠA, dzie budzie zabaronienaja vakcynacyja ad COVID-19.
Choć u Techasie ŭłady zabaranili departamientam achovy zdaroŭja prasoŭvać vakcynu ad COVID-19, a hałoŭny doktar Fłarydy, nasupierak miedycynskamu kansensusu, rekamiendavaŭ admovicca ad vakcynacyi, orhany ŭłady raniej nie błakavali vakcynacyju całkam.
Patreba ŭ vakcynie ŭ šaści akruhach Ajdacha, na jakija raspaŭsiudžvajecca hetaje rašeńnie, sapraŭdy źniziłasia: kali ŭ 2021 hodzie vakcynu atrymali 1601 čałaviek, to ŭ 2024 hodzie — tolki 64 čałavieki. Situacyja anałahičnaja i dla inšych vakcyn: u Ajdacha samy vysoki ŭ krainie pracent admoŭ ad pryščepak siarod dziaciej.
Rašeńnie savieta było pryniata niahledziačy na zakliki miedycynskaha dyrektara Paŭdniova-Zachodniaha rajona doktara Pery Jansena zachavać mahčymaść vakcynacyi.
«Heta nie ślapy padychod, kali ŭsie pavinny atrymlivać pryščepku. Heta abdumany padychod», — skazaŭ jon, padkreślivajučy nieabchodnaść uzvažvać ryzyki i pieravahi.
Jaho arhumientam supraćstajali bolš za 290 publičnych kamientaroŭ. Mnohija kamientatary patrabavali spynić abaviazkovuju vakcynacyju abo finansavańnie vakcyn za košt padatkapłacielščykaŭ — pry tym, što ni taho, ni druhoha ŭ hetym rajonie niama.
Minčanka pakinuła stanoŭčy vodhuk na sumku — i raptam vykryła zdradu čužoha muža16
Kamientary