Prahnoz nadvorja na 20 — 22 lutaha.

Zhodna z prahnozam Respublikanskaha hidramieteacentra, najbližejšymi sutkami ŭ Biełarusi budzie vobłačna. Na bolšaj častcy terytoryi apadki (mokry śnieh, doždž). Ranicaj i dniom pa paŭnočnym uschodzie mocny mokry śnieh, słabaja miacielica. Miescami tuman, słaby hałalod. Na asobnych učastkach daroh hałalodzica. Viecier paŭdniova‑ŭschodni 5—10 m/s, pa Viciebskaj i Mahiloŭskaj abłaściach paryvy da 14 m/s.

Tempieratura pavietra na praciahu sutak minus 3 — plus 3°S, dniom pa poŭdni da plus 5°S.

U Minsku 20 lutaha vobłačna. Časam apadki (mokry śnieh, doždž). Słabyja tuman i hałalod. Na asobnych učastkach daroh hałalodzica. Viecier paŭdniova‑ŭschodni 5—10 m/s. Tempieratura pavietra nočču kala 0°S, dniom 0 — plus 2°S.

U nastupnyja dvoje sutak pa krainie čakajecca pieravažna vobłačnaje nadvorje.

21 lutaha na bolšaj častcy terytoryi śnieh, mokry śnieh, dniom miescami pa Homielskaj vobłaści mocny śnieh, miacielica.

Na darohach hałalodzica. Viecier pieramiennych napramkaŭ 5—10 m/s. Tempieratura pavietra na praciahu sutak 0 — minus 7°S, nočču pa Viciebskaj vobłaści da minus 9°S.

22 lutaha vobłačna z prajaśnieńniami. Nočču pieravažna pa ŭschodniaj pałovie, dniom miescami śnieh. Nočču słabaja miacielica. Na darohach hałalodzica. Viecier zachodniaj čverci 5—10 m/s.

Tempieratura pavietra na praciahu sutak minus 4—11°S, pry prajaśnieńniach da minus 15°S, dniom minus 1—8°S.

U Minsku 21 lutaha vobłačna. Časam śnieh, mokry śnieh. Na darohach hałalodzica. Viecier pieramiennych napramkaŭ 5—10 m/s. Tempieratura pavietra na praciahu sutak minus 1—3°S.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?