Pra niezvyčajnuju historyju raskazaŭ Śledčy kamitet.
U listapadzie 2022 hoda da 55-hadovaha žychara Žabinkaŭskaha rajona pa abjavie ab prodažy lehkavoha aŭtamabila Peugeot pryjechali patencyjnyja pakupniki. Paśla abmierkavańnia detalaŭ uhody mužčyny damovilisia. Pradaŭca pieradaŭ klučy i dakumienty 21-hadovamu žycharu Kamianieckaha rajona, jaki ŭ jakaści zadatku pakinuŭ 100 rubloŭ.
Małady čałaviek paprasiŭ svajho pryjaciela, 33-hadovaha žychara Hrodzienskaha rajona, napisać raśpisku ab abaviazku nastupnaj apłaty 2,5 tysiačy rubloŭ na praciahu miesiaca, nastojvajučy, kab toj ukazaŭ svaje asabistyja danyja.
U toj ža dzień mužčyny adpravilisia ŭ Kobrynski rajon, dzie małady čałaviek zdaŭ aŭtamabil na mietałałom za simvaličnuju sumu. Z pradaŭcom mašyny jon tak i nie raźličyŭsia, pierastaŭ adkazvać na telefonnyja zvanki i nie vychodziŭ na suviaź.
Paciarpieły zastaŭsia biez hrošaj i transpartu, ale z raśpiskaj, u jakoj byli ŭkazany asabistyja dadzienyja tolki adnaho z mužčyn. Praz hod padmanuty žychar Žabinkaŭskaha rajona źviarnuŭsia ŭ milicyju.
Było ŭstanoŭlena, što 33-hadovy žychar Hrodzienskaha rajona, jaki pisaŭ raśpisku, zatrymany ŭ Rasii za pravaparušeńni. Paśla departacyi ŭ Biełaruś jon paviedamiŭ, što da machlarstva adnosin nie maje, a raśpisku ad svajho imia napisaŭ pa hłupstvie, čym sam siabie padstaviŭ. Jon pakazaŭ na maładoha čałavieka, jaki zdabyŭ aŭtamabil i prysvoiŭ hrošy.
Vyśvietliłasia, što toj užo adbyvaje pakarańnie za ździajśnieńnie anałahičnych machlarstvaŭ, źviazanych z avałodańniem aŭtamabilami.
Spačatku fihurant admaŭlaŭ vinu. Praviali šerah śledčych dziejańniaŭ, uklučajučy vočnyja staŭki sa śviedkami. U vyniku jon pryznaŭ vinu i kampiensavaŭ škodu paciarpiełamu.
Jamu pradjaŭlena abvinavačańnie pa č. 2 art. 209 («Machlarstva, ździejśnienaje paŭtorna») Kryminalnaha kodeksa. Chłopca pryhavaryli da 1,5 hadoŭ pazbaŭleńnia voli, paviedamlaje pres-słužba Śledčaha kamiteta.
Kamientary