Kandydat u prezidenty ZŠA zajaviŭ, što na adnaŭleńnie Ukrainy nie chopić hrošaj, navat kali ŭvieś śviet abjadnajecca.
Donald Tramp padčas vystupu na pieradvybarnym mierapryjemstvie ŭ Paŭnočnaj Karalinie zakranuŭ temu vajennaha kanfliktu Maskvy i Kijeva, zajaviŭšy, što paśla amal troch hadoŭ vajennych dziejańniaŭ «Ukrainy bolš niama». Vytrymki ź jaho pramovy apublikavanyja ŭ X.
Na dumku Trampa, Ukraina pavinna była pajści na sastupki Rasii za niekalki miesiacaŭ da lutaha 2022 hoda, bo «lubaja ŭhoda — najhoršaja ŭhoda — była b lepšaja, čym toje, što my majem ciapier».
«Kali b jany zaklučyli drennuju ździełku, było b našmat lepš. Jany b krychu sastupili, ale ŭsie b zastalisia žyvyja, i kožny budynak byŭ by pabudavany, i kožnaja vieža prastajała b jašče 2000 hadoŭ», — skazaŭ jon.
Tramp zajaviŭ, što na adnaŭleńnie ŭkrainskich haradoŭ «syduć sotni hadoŭ», a krychu paźniej skazaŭ, što «hrošaj na jaje [Ukrainy] adnaŭleńnie nie chopić, navat kali ŭvieś śviet abjadnajecca».
Pavodle jaho śćviardžeńnia, ułady praź niedachop sałdat vykarystoŭvajuć maleńkich dziaciej i starych.
Tramp znoŭ nazvaŭ Uładzimira Zialenskaha, jaki ciapier znachodzicca ź vizitam u Złučanych Štatach, «najlepšym pradaŭcom u historyi» i raskrytykavaŭ dziejnyja ŭłady ZŠA za nadańnie dapamohi Kijevu.
Na dumku palityka, prezident Džo Bajden i vice-prezident Kamała Charys, kandydat u kiraŭnika dziaržavy ad demakrataŭ, «padšturchnuli» kanflikt, paabiacaŭšy padtrymku Ukrainie, a nie padšturchnuŭšy jaje da sastupak Rasii: «Bajden i Kamała dazvolili hetamu zdarycca, zabiaśpiečyŭšy Zialenskaha hrašyma i bojeprypasami».
Palityk taksama paskardziŭsia na Zialenskaha za «drobnyja brudnyja paklopnickija zajavy» na jahony adras, nie ŭdakładniŭšy, što maje na ŭvazie. Zialenski ŭ niadaŭnim intervju The New Yorker vykazaŭ sumnieŭ u zdolnaści Trampa pakłaści kaniec rasijska-ŭkrainskamu kanfliktu, choć palityk uvieś čas pra heta śćviardžaje, nie pryvodziačy detalaŭ svajho płana.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary