Jeŭropa śpiašajecca na dapamohu.
Daždžlivaja viasna i pačatak leta nie vyratavali Partuhaliju ad lasnych pažaraŭ — siezon pačaŭsia paźniej, čym zvyčajna, ale z padvojenaj siłaj. U paniadziełak byŭ adkryty rachunak čałaviečym achviaram, i inšyja krainy Jeŭropy adpravilisia dapamahać Partuhalii zmahacca sa stychijaj. U aŭtorak situacyja nie palepšyłasia, piša Bi-bi-si.
U krainie bušujuć bolš za 140 pažaraŭ. Dla ich tušeńnia zadziejničany 19 samalotaŭ, viertalotaŭ i dronaŭ, amal 900 adzinak naziemnaj techniki i kala 3000 čałaviek.
Hałoŭnyja ačahi — na poŭnačy i ŭ centry krainy. U rajonie Aviejru pałaje asabliva mocna. Z-za hetych pažaraŭ u paniadziełak zakryli hałoŭnuju aŭtadarohu pamiž Portu i Lisabonam.
Pavodle apošnich źviestak uładaŭ, dva čałavieki zahinuli pry tušeńni, bolš za dziasiatak paciarpieli. Ź niekalkich viosak evakujavana nasielnictva.
Pažary nie redkaść u Partuhalii i Ispanii, adnak navukoŭcy adznačajuć, što źmianieńnie klimatu robić ich bolš maštabnymi i niepradkazalnymi.
Minułaje leta ŭ Jeŭropie vydałasia samym haračym u historyi, jak i ŭ cełym na płaniecie. Hety hod napeŭna akažacca samym ciopłym u historyi čałaviectva, što zrobić apošniaje dziesiacihodździe rekordna haračym za ŭvieś čas nazirańniaŭ i paćvierdzić tendencyju maštabnaha nahravańnia płaniety, u jakim vinavata čałaviectva.
Źmianieńnie klimatu razhojdvaje «areli» nadvorja, što pryvodzić da ŭzmacnieńnia maštabaŭ i častoty pryrodnych kataklizmaŭ. Pakul u Partuhalii harać lasy, Centralnuju Jeŭropu zataplaje.
Dla dapamohi ŭ tušeńni pažaraŭ Jeŭropa dasłała Partuhalii 8 samalotaŭ.
«My terminova mabilizujem 8 pažarnych samalotaŭ, — paviedamiła kiraŭnica Jeŭrakamisii Ursuła fon der Lajen. — Ja dziakuju Francyi, Hrecyi, Italii i Ispanii za toje, jak chutka jany adhuknulisia. Voś jana, jeŭrapiejskaja salidarnaść u jaje lepšaj prajavie».
Na najbližejšyja dni sinoptyki abiacajuć Partuhalii zachavańnie haračaha i suchoha nadvorja.
Pažary nie ścichnuć, papiaredzili ŭłady krainy i ŭviali režym pavyšanaj niebiaśpieki na ŭsioj terytoryi krainy da kanca dnia 19 vieraśnia, «uličvajučy prahnoz nadvorja na bližejšyja niekalki dzion, jaki pakazvaje na značna ŭzrastajučuju ryzyku lasnych pažaraŭ».
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior8
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary