Rasija zabaraniła ŭvoz biełaruskich praduktaŭ. U ich znajšli kišačnuju pałačku i antybijotyki
Abmiežavać pastaŭki biełaruskaj pradukcyi z 16 vieraśnia pryniaŭ rašeńnie Raśsielhasnahlad.
Havorka idzie pra vyraby pradpryjemstva «Biełfud Pradakšn», jakoje vypuskaje dziciačaje charčavańnie. Rasijski rehulatar znajšoŭ u jahonaj jałavičynie kišačnuju pałačku, a ŭ dziciačych kansiervach — antybijotyki.
Pa dadzienych viedamstva, u kansiervach ź miasa ptuški dla dziciačaha charčavańnia hetaha vytvorcy paŭtorna znajšli antybijotyk enrafłaksacyn.
Tym časam u dačynieńni da jašče niekalkich biełaruskich pradpryjemstvaŭ uzmacnili łabaratorny kantrol z-za taho, što znajšli ŭ pradukcyi bakteryi hrupy kišačnaj pałački i antybijotyk.
Tak, pavodle źviestak Raśsielhasnahladu, bakteryi hrupy kišačnaj pałački vyjaŭleny ŭ jałavičynie kaŭbasnaha cecha pradpryjemstva «Aleksandryjskaje» i filijała «Barysaŭski miasakambinat» Barysaŭskaha kambinat chlebapraduktaŭ Minskabłchlebapradukta.
U jałavičynie, vyrablenaj na pradpryjemstvie «Ščučynski filijał Hrodzienskaha abłasnoha spažyvieckaha tavarystva» była vyjaŭlena nalidyksavaja kisłata (antybijotyk).
Uzmocniać kantrol pradukcyi, jakaja pastaŭlajecca pradpryjemstvam «Žabinkaŭski kambikormavy zavod», pakolki ŭ suchim kormie dla katoŭ vyjavilisia niezarehistravanyja linii HMA-kampanienta abo pieravyšeńnie zarehistravanych linij.
Pradukcyja jašče adnaho pradpryjemstva nie prajšła pravierku na mikrobnuju biaśpieku. Havorka idzie pra paŭfabrykaty ź miasa ptuški ad filijała «JUNIMIT» AAT «Smalavičy Brojler».
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»5
Dźmitryjeŭ prosić viarnuć pasłoŭ u Minsk. «Sankcyi bjuć pa ludziach, a nie pa ŭładzie»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary
Spačuvaju pryhonnym spažyŭcam.