Ukraina padała sajuźnikam śpis celaŭ, pa jakich chacieła b bić dalnabojnymi rakietami
Ukraina pieradała ZŠA i Vialikabrytanii śpis celaŭ na terytoryi Rasiei, pa jakich chacieła b nanosić udary z dapamohaj ichnich dalnabojnych rakiet. Pra heta paviedamlaje Reuters, spasyłajučysia na daśviedčanyja krynicy siarod jeŭrapiejskich dypłamataŭ.
U pieralik uvachodziać kamandnyja centry, składy paliva i ŭzbrajeńnia, a taksama miescy zasiarodžvańnia žyvoj siły.
Pieršapačatkova Kijeŭ zapytvaŭ dazvoł na vykarystańnie amierykanskich dalnabojnych rakiet ATACMS dla atak na rasijskija aeradromy, ale ŭ Pientahonie rastłumačyli, što 90% samalotaŭ, jakija RF vykarystoŭvaje dla bambavańniaŭ ukrainskaj terytoryi, znachodziacca bolš čym za 300 kiłamietraŭ ad miažy — za miežami radyusu dziejańnia hetych rakiet.
Akramia ATACMS, ukrainskija vajskoŭcy taksama raźličvajuć vykarystoŭvać brytanskija rakiety Storm Shadow i ich francuzski anałah SCALP.
Kali dla brytanskich uładaŭ patrabujecca ŭzhadnieńnie z ZŠA na vykarystańnie padobnych rakiet, to Francyi taki dazvoł nie patrebny, adznačyŭ francuzski dypłamat u hutarcy z Reuters.
Bieły dom nie budzie mianiać palityki ŭ dačynieńni da ŭdaraŭ zachodniaj dalnabojnaj zbrojaj pa Rasii
ZŠA dazvolać Ukrainie vykarystoŭvać dla ŭdaraŭ pa Rasii zamiežnuju zbroju, ale nie rakiety ATACMS — The Times
Pucin ličyć dazvoł krain NATA vykarystoŭvać dalnabojnyja rakiety dla ŭdaraŭ pa Rasii ich pramym udziełam u vajnie
Zialenski abmierkavaŭ ź Blinkienam i Łemi pytańnie ŭdaraŭ pa Rasii dalnabojnaj zbrojaj. Vialikabrytanija ŭžo zhodnaja?
Na zimu zapłanavanyja masavyja zatrymańni, składzienyja «pieršy i druhi śpisy»29
Kamientary