U Miorach padletak ukraŭ traktar, kab zamacavać viedy, atrymanyja na ŭrokach kiravańnia
Navučeniec kaledža zładziŭ sabie načny ŭrok kiravańnia i atrymaŭ kryminałku.
Kiraŭnik adnaho ź sielhaspradpryjemstvaŭ u Miorach adnojčy ranicaj zaŭvažyŭ, što ŭ haspadarcy nie chapaje adnaho traktara. Pra źniknieńnie jon paviedamiŭ u milicyju, techniku nieŭzabavie znajšli ŭ poli niepadalok.
Akazałasia, što traktar skraŭ 17-hadovy navučeniec kaledža. Toj nočču jon vyrašyŭ na praktycy adpracavać navyki kiravańnia, atrymanyja na zaniatkach. Chłopiec pryjšoŭ na placoŭku, dzie zachoŭvałasia technika, znajšoŭ pad kapotam adnaho z traktaroŭ klučy.
Padletak pasprabavaŭ adčapić ad traktara pryčep, ale nie zmoh: z hidraŭličnaha šłanha paliłasia vadkaść, i chłopiec spałochaŭsia. Jon vyrašyŭ, što pryčep jamu nie pieraškodzić, i pajechaŭ katacca na traktary. Kali skončyłasia paliva, chłopiec kinuŭ techniku kala lesu i pajšoŭ spać.
Ciapier padletka buduć sudzić za ŭhon. U milicyi papiaredzili ab adkaznaści i słužbovych asob pradpryjemstva — za toje, što dapuścili taki kradziež.
Kamientary