Były kamandujučy NATA zaklikaŭ viarnucca da supracy ź Biełaruśsiu i skazaŭ, za što apładziruje Łukašenku
«Biełaruś — heta mahčymaść. Nie varta palić masty ź joju».
Na pytańni Radyjo Svaboda adkazaŭ były Viarchoŭny hałoŭnakamandujučy Abjadnanych uzbrojenych sił NATA ŭ Jeŭropie Filip Brydłaŭ (Philip Breedlove). Pryvodzim niekatoryja ź ich.
Jakija b byli vašy rekamiendacyi dla novaj administracyi ZŠA nakont palityki adnosna Biełarusi?
Što tyčycca našaj palityki adnosna Biełarusi, to ja skazaŭ, što Biełaruś — heta mahčymaść. My pavinny sprabavać naładzić lepšyja adnosiny pamiž Zachadam i Biełaruśsiu. Kali Biełaruś pabačyć mahčymaści handlu i inšyja rečy, jakija dajuć suviazi z Zachadam, ja dumaju, što ŭrešcie biełaruskaje kiraŭnictva zrobić pravilnaje rašeńnie dałučycca da Zachadu. Tamu ja b skazaŭ, što nie varta palić masty ź Biełaruśsiu.
Nie dapuskajcie, kab Biełaruś dziejničała, jak Rasija, ale sprabujcie naładzić jaje dobryja adnosiny z Zachadam i pakazać, što heta značyć.
Ale nakolki heta mahčyma ŭ situacyi, kali šmat chto ličyć Łukašenku poŭnaj maryjanietkaj Kramla?
Mahčyma, prezident Łukašenka padkantrolny Rasii. Ale jon, jak vyhladaje, sprabuje trymać ich chacia b na adlehłaści vyciahnutaj ruki. I ja jamu za heta plaskaju ŭ dałoni.
Usie našy dziaržavy mieli časy, kali ich kiraŭnictva padtrymlivała dziŭnyja kanfihuracyi adnosin z reštaj śvietu. U majoj krainy (ZŠA — NN) heta taksama było. Tamu nam treba sprabavać pracavać z tymi kiraŭnikami, jakija jość. Ja b hladzieŭ na Biełaruś jak na mahčymaść, a nie jak na całkam admoŭnaha ŭdzielnika padziej.
Nakolki, na Vašu dumku, možna mieć adnosiny, pieramovy i, mahčyma, niejkija hieapalityčnyja sajuzy z režymam, jaki trymaje stolki palitviaźniaŭ?
Tut ja zrablu zajavu, jakuju ja ŭžo rabiŭ šmat hadoŭ i šmat chto ŭ hetym sa mnoj niazhodny. Vidavočna, jość rečy, jaki nam nielha rabić ź Biełaruśsiu, bo jość prablema palitviaźniaŭ, inšyja rečy, dzie biełaruskaje kiraŭnictva nie dziejničaje adpaviedna zachodnim maralnym prancypam i standartam.
Ludzi časta kažuć — kali majem prablemu ź niejkaj krainaj, varta ź joj razarvać adnosiny. Ja liču, što nam varta rabić zusim supraćlehłaje. (…) Kali my ŭ stanie vajny albo, kali ŭ nas vialikija prablemy ź inšaj krainaj, nam treba pavialičvać palityčnyja kantakty, kab sprabavać paŭpłyvać na źmieny da lepšaha.
Ja nie dumaju, što razryŭ adnosin kali-niebudź prynosiŭ karyść. Jość šmat sposabaŭ pakarańnia ci instrumientaŭ, jakija my možam skarystać, kab paŭpłyvać na źmieny. Ale kali razryvać dyjałoh, ja nie dumaju, što my niekali dasiahniom słušnaha vyniku. Ja dumaju, što nam treba pavialičvać uzajemadziejańnie.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary
Dakładna vykanajecie, dasyłaćmiem adno da adnoha hienerałaŭ-pałkoŭnikaŭ padryhacca ŭ stalicach ŭ miežach pracoŭnych hrupaŭ