Na pravaabaroncu Sieržuka Sysa zaviali zavočnuju kryminalnuju spravu
Na aktyvista pravaabarončaha centru «Viasna» Siarhieja Sysa zaviali kryminalnuju spravu i abviaścili jaho ŭ vyšuk. Pra heta pravaabaronca daviedaŭsia ad krynic ź Biełarusi.
«Mnie paviedamili, što byŭ zvanok z kryminalnaha vyšuku, pra mianie pytalisia. Skazali, što mianie ŭžo i ŭ vyšuk abviaścili», — padzialiŭsia z Radyjo Svaboda pravaabaronca Siaržuk Sys.
Pavodle źviestak pravaabaroncy, jaho vinavaciać pavodle častki 2 artykuła 361-4 Kryminalnaha kodeksa («Sadziejańnie ekstremisckaj dziejnaści», učynienaje ŭ hrupie asobaŭ abo paŭtorna»), za što pahražaje pakarańnie da 7 hadoŭ źniavoleńnia.
«Kažuć, što ŭ spravie fihuruje jašče 12 čałaviek. Viedaju pra adnaho ź ich, pravaabaroncu Ihara Kaźmierčaka. A zaviedzienaja sprava za ŭdzieł u prahramach «Płan «B» na «Biełsacie», jakija vyjšli ŭ efir 25 sakavika i 1 krasavika 2024 hoda. Spravu rasśleduje homielskaje ŭpraŭleńnie Śledčaha kamiteta. A pryčym tut Homiel, čamu mienavita jany, nie viedaju. Rasśledujuć u paradku śpiecvytvorčaści, što značyć zavočna. Kamientavać tut jašče rana. Budu čakać, što adbudziecca dalej», — skazaŭ Siaržuk Sys.
Pravaabaronca i paet Siaržuk Sys musiŭ vyjechać ź Biełarusi ŭletku 2021 hodu paśla aryštu jahonych kalehaŭ-viasnoŭcaŭ. Ciapier Sys žyvie ŭ Vilni, dzie praciahvaje zajmacca pravaabarončaj dziejnaściu i piša vieršy.
Prabiełaruskija łukašysty jadnajucca suprać prarasijskich15
Prabiełaruskija łukašysty jadnajucca suprać prarasijskich
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary