Pucin ličyć dazvoł krain NATA vykarystoŭvać dalnabojnyja rakiety dla ŭdaraŭ pa Rasii ich pramym udziełam u vajnie
Prezident Rasii Uładzimir Pucin prakamientavaŭ płany zachodnich krain dazvolić Ukrainie nanosić udary svaimi dalnabojnymi rakietami pa rasijskaj terytoryi. Jon pahražaje, što heta budzie rasceńvacca jak pramoje ŭstupleńnie NATA ŭ vajnu.
Na dumku Pucina, ukrainskaja armija nie moža samastojna vykarystoŭvać zachodniuju zbroju vialikaj dalokaści, tamu što dla hetaha, maŭlaŭ, patrebnyja raźvieddanyja sa spadarožnikaŭ Jeŭrasajuza abo ZŠA. Da taho ž, ličyć Pucin, palotnyja zadańni ŭ rakietnyja sistemy mohuć unosić tolki vajskoŭcy krain NATA.
Tamu havorka, jak jon śćviardžaje, idzie nie pra dazvoł nanosić udary, a pra rašeńnie krain NATA «niepasredna ŭdzielničać u vajennym kanflikcie». Kali takoje rašeńnie budzie pryniata, to jano, maŭlaŭ, budzie aznačać što «krainy NATA vajujuć z Rasijaj».
«My budziem prymać adpaviednyja rašeńni zychodziačy z tych pahroz, jakija nam buduć stvaracca», — padsumavaŭ Pucin.
Varta adznačyć, što rasijskija ŭłady viedajuć pra toje, što mnohija palityki na Zachadzie bajacca eskałacyi kanfliktu, a asabliva svajho niepasrednaha ŭciahvańnia ŭ jaho. Tamu ad samaha pačatku vajny rasijskija čynoŭniki samaha roznaha ŭzroŭniu i prapahandysty biaskonca nahadvajuć pra «čyrvonyja linii», paśla pierachodu jakich Zachadam Rasija, maŭlaŭ, adreahuje niejkimi strašnymi mierami ŭ adkaz. Časta hetyja vierbalnyja pahrozy akazvajucca blefam, pakolki mahčymaści samoj Rasii abmiežavanyja.
Sikorski raskazaŭ, jak prymusić Pucina spynić vajnu
Zialenski abmierkavaŭ ź Blinkienam i Łemi pytańnie ŭdaraŭ pa Rasii dalnabojnaj zbrojaj. Vialikabrytanija ŭžo zhodnaja?
ZŠA hatovyja dazvolić Ukrainie ŭdary dalnabojnymi rakietami pa Rasii
Były ministr abarony Vialikabrytanii prapanavaŭ vystavić ultymatum Pucinu
Ukraina stvaryła ŭłasnuju vysokadakładnuju bombu
ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters
Kamientary