Vatykan i Biełaruś vypuściać marku da jubileju ikony z Hrodna
U paniadziełak 16 vieraśnia ŭ abaračeńnie budzie vypuščanaja paštovaja marka «Cudatvorny abraz Maci Božaj Studenckaj u Hrodnie» — sumiesny prajekt Respubliki Biełaruś i Dziaržavy Vatykan, piša sajt «Biełaruś i śviet».
Dla Vatykana hetaja čatyrochkolernaja marka, jakaja maje naminał 1,30 jeŭra, nadrukavanaja ŭ francuzskaj drukarni Cantor nakładam 99 tysiač asobnikaŭ. Śpiecyjalnaje hašeńnie kruhłym śpiecštempielem z adpaviednymi dyzajnam i nadpisam budzie pravodzicca 16 i 17 vieraśnia ŭ vatykanskim paštovym adździaleńni Arco delle Campane.
U Biełarusi poŭnakalarovaja marka z naminałam, roŭnym taryfu na pierasyłku mižnarodnaj prostaj piśmovaj karespandencyi masaj da 20 h pryjarytetnaj, nadrukavanaja ŭ Babrujskaj uzbujnienaj drukarni tyražom 42 tysiačy. Śpiecyjalnaje hašeńnie na kanviercie «Pieršy dzień» budzie pravodzicca 16 vieraśnia ŭ adździaleńni paštovaj suviazi № 25 Hrodna.
Abraz z kafiedralnaha kaścioła Śviatoha Francyska Ksavieryja ŭ Hrodnie źjaŭlajecca kopijaj abraza Maci Božaj Śniežnaj z rymskaj bazyliki Santa Maryja Madžore. Jaje pieradali ŭ draŭlany jezuicki kaścioł Piatra i Paŭła ŭ Hrodnie ŭ 1664 hodzie.
Takim čynam, ciapierašni vypusk marki prymierkavany da 360-hodździa śviaščennaha malunka.
«Ukrpošta» praciahvaje na svaich markach tapić rasijski vajskovy fłot
U konkursie na najlepšuju paštovuju marku hoda sioleta znoŭ pieramahli siłaviki
Paštovuju marku z kurjoznaj pamyłkaj pradali z aŭkcyjonu za 2 miljony dalaraŭ
«Ruski vajenny karabiel, idzi na …» pryznanaja najlepšaj markaj śvietu ŭ 2022 hodzie
Bort Łukašenki z-za techničnych prablem viarnuŭsia ŭ Minsk bieź jaho16
Kamientary