Hiermanija adnaŭlaje kantrol na ŭsich suchaputnych miežach z-za mihrantaŭ
Ministr unutranych spraŭ Hiermanii Nensi Fiezier rasparadziłasia ŭvieści časovy kantrol na ŭsich suchaputnych miežach krainy dla abmiežavańnia ludziej, jakija ŭjazdžajuć bieź vizy. Pra heta paviedamlaje Bild.
Adznačajecca, što Bierlin vyrašyŭ uzmacnić pamiežny kantrol nie tolki dla abmiežavańnia nielehalnaj mihracyi, ale i dla abarony ŭnutranaj biaśpieki ad pahroz isłamskaha teraryzmu i transhraničnaj złačynnaści. Niamiecki bok užo prainfarmavaŭ pra abmiežavańni Jeŭrapiejskuju kamisiju.
Akramia taho, pavodle źviestak Bild, Fiezier choča sustrecca z parłamienckaj hrupaj CHDS/CHSS dla abmierkavańnia novych abmiežavańniaŭ.
Jak piša DPA, urad Hiermanii taksama raspracavaŭ «madel efiektyŭnaha prymusovaha viartańnia ŭ adpaviednaści ź jeŭrapiejskim zakanadaŭstvam», jakaja pašyryć mahčymaść departacyi inšaziemcaŭ, ale jaje detali nieviadomyja.
Ciapier prymusovaje viartańnie na suchaputnych miežach Hiermanii adbyvajecca tolki ŭ peŭnych vypadkach: kali kamuści zabaronieny ŭjezd u krainu abo kali jon nie padaŭ prašeńnie ab prytułku.
Pavodle danych Ministerstva ŭnutranych spraŭ Hiermanii, z kastryčnika 2023 hoda, kali na suchaputnych miežach krainy ŭviali stacyjanarny kantrol, nie puścili ŭ krainu bolš za 30 tysiač čałaviek.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie53
Kamientary
Dy nie, vy śviatkujecie paharšeńnie svabody padarožža.