Kitajanka, jakaja padarožničaje z baranam pa Polščy, raniej vyhulvała ŭ Maskvie ciala, a ŭ Łondanie — śvińniu
Žančyna ŭžo nie adzin raz traplała ŭ centr uvahi ŚMI z-za svaich niezvyčajnych učynkaŭ.
Pra amierykanku kitajskaha pachodžańnia Alisu Dej u minułym hodzie pisaŭ telehram-kanał SHOT. Žančyna raskazvała, što zajmajecca vyratavańniem žyvioł, jakim pahražaje zaboj.
Jak vynikaje z materyjału, baran, ź jakim jana padarožničaje pa Polščy, u jaje nie pieršy. U 2022 hodzie jana ŭžo padarožničała pa krainie ź inšym jaho suplamieńnikam.
U lutym 2023 hoda Alisa była zatrymana na Krasnaj płoščy ŭ Maskvie, kali vyhulvała tam ciala. Na jaje byŭ składzieny pratakoł za parušeńnie paradku praviadzieńnia pikietu suprać spažyvańnia miasa. Taksama jana zapłaciła štraf u 2 tysiač rasijskich rubloŭ (kala 260 dalaraŭ ZŠA).
Tady Dej raskazała, što nabyła žyviołu na papularnym rasijskim internet-servisie abviestak «Avita». Paśla zatrymańnia ciala ŭ Alisy adabrali i nakiravali ŭ centr reabilitacyi žyvioł.
Akramia Polščy i Rasii Alisu Dej viedajuć i ŭ inšych krainach. U 2021 hodzie jana žyła va ŭkrainskim Dniapry ź cialom i parasiom u zdymnaj kvatery.
A ŭ 2019 hodzie pra jaje pisała brytanskaje vydańnie Daily Mail. Tady jana raskazvała, što vyratavała ad zaboju vaśmitydniovuju śvińniu, zapłaciŭšy za jaje 400 funtaŭ. Śvińnia pasialiłasia razam z Dej u jaje nievialikaj kvatery ŭ Łondanie. Dej vyhulvała jaje pa horadzie, katała ŭ mietro i viačerała razam ź joj u restaranie.
Alisa sa śvińnioj na vulicach Łondana. Videa: Daily Mail
Praz tydzień pad naciskam haspadaroŭ kvatery žančyna vymušana była pieradać žyviołu Karaleŭskamu tavarystvu pa praduchileńni žorstkaha abychodžańnia z žyviołami.
U intervju vydańniu baraćbity za pravy žyvioł asudzili Dej, adznačyŭšy, što jaje dziejańni «prademanstravali šakavalnuju adsutnaść zdarovaha sensu».
Alaksandr Łukašenka pacałavaŭ orden, uručany jamu Pucinym2
Kamientary