Z 1 lipienia pa 31 žniŭnia biełaruskija pamiežniki vyjavili kala 270 prablemnych dakumientaŭ. Pa vynikach letniaha siezonu pamiežniki skłali svojeasablivy rejtynh parušeńniaŭ.
Akazałasia, što ich najbolšuju kolkaść dapuścili zamiežniki — kala 150 faktaŭ. Jak praviła, havorka idzie pra adsutnaść biełaruskaj vizy i pieravyšeńnie terminu znachodžańnia ŭ krainie pa biaźvizie.
Zatym iduć sapsavanyja dakumienty: biełarusy i zamiežniki za leta pakazali pamiežnikam bolš za 60 pašpartoŭ z razmytymi piačatkami, fatahrafijami i navat vyrvanymi staronkami.
Zamykajuć trojku lidaraŭ siarod parušeńniaŭ praterminavanyja pašparty (bolš za 50 faktaŭ vyjavili za leta).
Byli vypadki, kali ludzi zabyvali pamianiać pašpart paśla źmieny proźvišča ci nie paśpiavali viarnucca z adpačynku da taho, jak skončyŭsia termin dziejańnia pašparta.
Pry hetym u Dziaržpahrankamitecie adznačajuć, što bolšaja častka vypadkaŭ z praterminavanymi pašpartami — heta pajezdki hramadzian z krain pastajannaha pražyvańnia. Naprykład, u lipieni praź Biełaruś u ES sprabavali vyjechać dvoje rasijanaŭ z pašpartami, u jakich termin dziejańnia skončyŭsia ŭ 2013 hodzie.
Jość i tyja, chto ździajśniaje parušeńni naŭmysna: za leta było zatrymana dzieviać parušalnikaŭ z padroblenymi pašpartami.
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary