Palitviaźnia, jakoha raniej vyzvalili pa amnistyi, asudzili da dvuch z pałovaj hadoŭ kałonii
U sudzie Baranavickaha rajona i horada Baranavičy 15 žniŭnia vynieśli prysud pavodle č. 1 art. 342 KK (aktyŭny ŭdzieł u dziejańniach, što hruba parušajuć hramadski paradak) trom miascovym žycharam — Alaksandru Tarasieviču, Źmitru Błaščanicu, a taksama byłomu palitviaźniu Piatru Zinieviču.
Ich asudzili za ŭdzieł u akcyi pratestu ŭ noč z 9 na 10 žniŭnia 2020 hoda. Sudździa Aksana Litvinčyk pryznačyła ŭsim kałoniju — ad adnaho hoda i šeść miesiacaŭ da dvuch z pałovaj hadoŭ. Niahledziačy na toje, što Zinieviča raniej amnistavali sa źniaćciem sudzimaści, ciapier jamu pryznačyli na hod źniavoleńnia bolej, čym astatnim.
Piotr — były palitźniavoleny, jakoha ŭ 2021 hodzie asudzili da dvuch hadoŭ «chimii». 11 studzienia 2023 hoda z prymianieńniem akta amnistyi jon byŭ vyzvaleny ad adbyćcia pakarańnia sa źniaćciem sudzimaści, piša «Viasna».
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary