11 žniŭnia ŭ siecivie zjavilisia fota mocnaha dymu na Zaparožskaj atamnaj elektrastancyi. Spačatku Ukraina śćviardžała, što na AES dla paniki zapalili šyny, ale potym Uładzimir Zialenski paćvierdziŭ, što heta byŭ pažar.
Pieršym zdareńnie prakamientavaŭ načalnik Nikapalskaj RVA Jaŭhien Jeŭtušenka. Na jaho dumku, heta byŭ nie pažar, a sproba zapałochać. Pavodle jaho słoŭ, vajskoŭcy RF, imavierna, padpalili aŭtamabilnyja šyny ŭ achaładžalnych stancyjach.
«Mahčyma, heta pravakacyja abo sproba stvaryć paniku ŭ nasielenych punktach na pravym bierazie byłoha vadaschovišča», — napisaŭ jon.
Paźniej źjaviŭsia kamientar rasijskaha boku — heta byŭ pažar, a achaładžalnyja sistemy ZAES nibyta zaharelisia paśla abstrełu USU Zaparožskaj vobłaści, zajaviŭ Jaŭhien Balicki, kiraŭnik akupacyjnaj ułady.
U ciapierašni čas, pavodle jaho słoŭ, usie 6 enierhabłokaŭ stancyi znachodziacca ŭ chałodnym supynie, pahrozy vybuchu i inšych nastupstvaŭ niama, radyjacyjny fon vakoł AES i horada Enierhadara ŭ normie.
Prezident Ukrainy Uładzimir Zialenski taksama zajaviŭ, što na Zaparožskaj AES adbyŭsia pažar.
Jon apublikavaŭ zdymki, na jakich vidać, jak nad budynkam akupavanaj Zaparožskaj AES padymajecca dym. Zialenski śćviardžaje, što heta rasijskija vojski zładzili pažar na AES.
Jon taksama paćviardziŭ, što radyjacyjnyja pakazčyki pakul vakoł AES u normie.
Paśla ŭvarvańnia ŭkrainskich vojskaŭ u Kurskuju vobłaść Rasii naziralniki zahavaryli, što metaj Ukrainy moža być zachop Kurskaj AES z tym, kab zatym damahčysia abmienu jaje na Zaparožskuju AES, krytyčna važnuju dla ŭkrainskaj enierhasistemy. Deakupavać jaje naŭprost vielmi składana — jana staić za Dniaprom, a na levym bierazie rasijanie abstalavali mahutnuju liniju ŭmacavańniaŭ.
Šmatdzietnaja maci Volha Załatar vyjšła na svabodu, całkam adbyŭšy čatyrochhadovy termin6
Kamientary