Benksi pieratvaryŭ palicejskuju budku ŭ Łondanie ŭ akvaryum ź pirańjami
U Łondanie źjaviłasia novaja praca Benksi — palicejskaja budka ź pirańniami. Heta ŭžo siomaje hrafici mastaka za tydzień.
Z paniadziełka 5 žniŭnia Benks štodnia stvaraŭ na abjektach u Łondanie novyja pracy, usie jany byli pryśviečany žyviołam.
Pieršaj pracaj mastaka stała vyjava kazła na ścianie budynka na paŭdniovym zachadzie Łondana.
U aŭtorak u tym ža rajonie Benksi namalavaŭ dvuch słanoŭ.
Zatym na moście čyhunačnaha vakzała va ŭschodniaj častcy Łondana źjaviŭsia malunak troch małpaŭ.
Čaćviortaj pracaj staŭ voŭk, što vyŭ na spadarožnikavaj talercy. Piataj pracaj stała vyjava dvuch pielikanaŭ, jakija jaduć rybu na bary.
Šostym byŭ malunak kata, jaki paciahvaŭsia, na pustym rekłamnym ščycie.
Usie raboty mastaka, akramia siomaj, byli vykanany čornaj farbaj. Benksi nijak nie kamientavaŭ novyja pracy.
Za hety čas dva malunki byli sapsavanyja, a spadarožnikavuju talerku z vyjavaj vaŭka skrali, piša Bi-bi-si.
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary