Vyśvietliłasia, chto zamiest Bacha moža ŭznačalić Mižnarodny alimpijski kamitet. Heta drennaja navina dla Łukašenki i Pucina
Prezident Mižnarodnaj fiederacyi lohkaj atletyki Siebaśćian Koe moža ŭznačalić Mižnarodny alimpijski kamitet (MAK) zamiest Tomasa Bacha, jaki abviaściŭ, što pakidaje pasadu, paviedamlaje Reuters.
Na svajoj pres-kanfierencyi najbolš vierahodny i ŭpłyvovy pierajemnik Bacha Siebaśćian Koe zajaviŭ, što «surjozna abdumaje» mahčymaść pazmahacca za kresła prezidenta MAK.
«Ja zaŭsiody jasna davaŭ zrazumieć, što kali źjavicca takaja mahčymaść (stać kiraŭnikom MAK — NN), ja, vidavočna, surjozna abdumaju heta. I mahčymaść hetaja ŭžo ŭźnikła», — zajaviŭ prezident Mižnarodnaj fiederacyi lohkaj atletyki Siebaśćian Koe.
67-hadovy brytaniec Siebaśćian Koe maje za plačyma vielizarny spartyŭny i arhanizacyjny vopyt: dvuchrazovaje alimpijskaje čempijonstva pa biehu na dystancyju 1500 mietraŭ, hałoŭnaja rola ŭ arhanizacyi Alimpijskich hulniaŭ 2012 hoda ŭ Łondanie, kiravańnie Nacyjanalnym alimpijskim kamitetam Vialikabrytanii.
Akramia taho, u adroźnieńnie ad Tomasa Bacha, jaki ad pačatku vajny sprabuje abaraniać ad sankcyj spartsmienaŭ, łajalnych režymam Łukašenki i Pucina, Siebaśćian Koe, naadvarot, žorstka vystupaje suprać udziełu biełarusaŭ i rasijan u mižnarodnych spabornictvach (navat u niejtralnym statusie) z-za vajny va Ukrainie i ŭnutranych palityčnych represij.
U dadatak da hetaha pry Koe Mižnarodnaja fiederacyja lohkaj atletyki vykryła supracoŭnictva byłoha prezidenta arhanizacyi Łamina Dzijaka z Rasijaj va ŭtojvańni stanoŭčych dopinh-probaŭ rasijskich alimpijskich atletaŭ.
Vybary prezidenta MAK adbuducca ŭ sakaviku 2025 hoda.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary