Siońnia — zaklučny dla biełarusaŭ dzień na Alimpijadzie. Ale jon moža prynieści niekalki miedaloŭ
Za kim sačyć u subotu?
Viesłavańnie na bajdarcy i kanoe, volnaja baraćba i ciažkaja atletyka.
Biełarusy tradycyjna mocna vystupajuć u viesłavańni. Jaŭhien Załaty ŭ minułuju subotu bliskuča vyjhraŭ srebra ŭ akademičnym viesłavańni.
Siońnia baraćbu praciahnuć Uładzisłaŭ Kraviec i Julija Truškina, ale dla pačatku im treba prabicca ŭ finał z paŭfinalnych zajezdaŭ.
U 11:20 pačnucca paŭfinały ŭ bajdarkach-adzinočkach na 1000 mietraŭ (Uładzisłaŭ Kraviec). U 12:40 projduć paŭfinały kanoe-adzinočak na 200 mietraŭ (Julija Truškina).
Finały pačnucca ŭ 14:20 (mužčyny) i 14:50 (žančyny).
U 12:30 vyjdzie na pamost naš ciažkaatlet Jaŭhien Cichancoŭ (vaha 102 kh). Učora Siuzana Vaładźko zaniała 4-je miesca.
Mahamiedchabib Kadzimahamiedaŭ (volnaja baraćba) atrymaŭ šaniec pazmahacca za bronzu. Učora Mahamiedchabib prajhraŭ užo ŭ pieršym raŭndzie ŭźbieku Razambieku Žamałavu, ale toj dabraŭsia da finału, i pradstaŭnik Biełarusi atrymaŭ šaniec zmahacca za miedal u tak zvanaj bronzavaj sietcy.
Za bronzu Kadzimahamiedaŭ pazmahajecca z rasijaninam Tajmurazam Sałkazanavym, jaki vystupaje za Słavakiju.
Schvatka projdzie ŭ 20:30.
Biełarusy na Alimpijady ŭ Paryžy zavajavali pakul try miedali pry maleńkaj delehacyi ŭ 17 čałaviek. Heta zołata Ivana Litvinoviča (batut), srebra Vijalety Bardziłoŭskaj (batut) i srebra Jaŭhiena Załatoha (akademičnaje viesłavańnie).
Paśla pryjomu ŭ ministra Kubrakova aryštavali žančynu, jakaja šmat hadoŭ zmahajecca z «piedafilskim łobi»2
Kamientary