Amierykanca nakarmili biełaruskimi «dalikatesami». Jaho paškadavali navat biełarusy
Karystalnica tyktoku apublikavała videa, na jakim dała pasprabavać svajmu mužu-amierykancu dva biełaruskija pradukty, jakija nazvała «dalikatesami». Adnak mužčynu jany nie spadabalisia. Bolš za toje, taki pačastunak vyklikaŭ burnuju reakcyju ŭ kamientataraŭ, piša Telegraf.news.
Kali amierykaniec ubačyŭ pradukty, to «byŭ vidavočna nie ŭ zachapleńni», jak skazała sama aŭtarka ŭ pačatku rolika.
Pieršym «dalikatesam», jaki biełaruska prapanavała svajmu mužu, stała kryvianaja kaŭbasa, abo kryvianka. Vierdykt taki:
«Ja nikoli nie budu jeści heta znoŭ. Ale heta nie tak užo i kiepska. Kali b bolš niama čaho było jeści, to źjeŭ by».
Druhi pradukt — liviernaja kaŭbasa, jana ž livierka. Reakcyja amierykanca bačnaja ź pieršych siekund: jon uziaŭ survetku, kab vyplunuć u jaje pačastunak.
«Heta samaje žudasnaje, što ja jeŭ. Nu ok, niachaj nie samaje žudasnaje, ale naŭrad ci ja znoŭ pakaštuju», — zajaviŭ jon.
Rolik za paru dzion nabraŭ bolš za 115 tys. prahladaŭ i kala 600 kamientaroŭ. Samy załajkany, što kryvianku «treba pasmažyć», a nie jeści syroj. Druhi, što «kryvianku i livierku jaduć adzinki, u asnoŭnym heta biaruć žyviołam».
Chtości zajaviŭ, što aŭtarka videa «vyrašyła atrucić čałavieka. Chatniaja kryvianka — šyk, ale nie taja, jakuju kuplaju sabaku ŭ kramie. Livierku navat kot nie jeść».
«Moj nie amierykanski takoje jeści nie budzie. Takaja ž reakcyja»;
«Heta realna jeści možna tolki z haładuchi», — napisali inšyja.
Adnak niekatoryja vykazali mierkavańnie, što kryvianka i livierka «smačnyja» i što «lubiać» ich.
Sama ž aŭtarka videa napisała: «Asabista mnie padabajecca, i ja nie razumieju, kali havorać, što heta ježa vyklučna dla kocikaŭ».
Samyja ahidnyja stravy ŭ śviecie: što trapiła ŭ rejtynh i ci jość tam biełaruskaje
Ci kaštavali miasa sarančy? A jano ŭžo pradajecca ŭ Polščy. Znajšli biełarusa — fanata takoj ježy
Samy niebiaśpiečny syr u śviecie, unutry jakoha źvivajucca žyvyja ličynki: voś dzie jaho znajści
«Žyvot uvieś čas byŭ uzduty, paśla staŭ źjaŭlacca pach hnijučaha cieła». Biełaruska, u jakoj byŭ razład charčovych pavodzin, raskazała, što jana pieražyła
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary
Prosta dyskredytacyja biełaruskaj kuchni.