«Situacyja pakul praciahvaje paharšacca». Rasijskija vajenkary pišuć pra pośpiechi USU
Rasijski vajenkar Juryj Padalaka daŭ u svaim telehram-kanale svajo bačańnie situacyi ŭ Kurskaj vobłaści pa stanie na 19:00 čaćviarha. Pavodle jaho słoŭ, chvalicca rasijskim vojskam pakul niama čym, dynamika nie na ich karyść.
Pavodle infarmacyi vajenkara Juryja Padalaki, USU zdoleli na mnohich kirunkach na tolki prasunucca napierad, ale i zamacavacca.
U Sudžy ŭkraincy pastupova vyciaśniajuć rasijan z uschodniaj častki horada, bo ŭziali pad kantrol most praz raku Sudža na poŭnač ad horada.
«Ciapier, kali pamiž imi ŭžo niama raki, dumaju, [rasijski harnizon] kančatkova vycisnuć za miežy haradskoj rysy», paśla čaho horad całkam maje pierajści pad kantrol USU, piša Padalaka.
Paśla taho, na dumku vajenkara, ukraincy buduć vałodać mastami, jakija majuć stratehičnaje značeńnie, i Sudža zrobicca najvažniejšym łahistyčnym centram, dzie budzie zručna kancentravać siły i srodki.
Dalejšaje raźvićcio nastupleńnia jon čakaje pa trasie na Kursk, dzie rasijskija pieradavyja pazicyi znachodziacca ŭ rajonie vioski Vialikaje Sałdackaje. Kab zabiaśpiečyć tut dalejšy ruch, ukraincy nibyta šturmujuć siało Čarkaskaje Parečnaje.
Na Lhoŭskim kirunku ŭkraincy zamacavalisia za siało Małaja Łoknia i sprabujuć dalej raźvivać svoj nastup pa trasie na Lhoŭ.
U Koranievie Padalaka nie bačyŭ asablivych źmienaŭ, ale miarkuje, što ŭkrainskija vajskoŭcy rychtujucca nočču paŭtaryć sprobu zachodu ŭ hety rajcentr. Zrešty, užo paśla vydańnia spravazdačy jon napisaŭ, što USU na broniemašynach užo pačali ataku na Koranieva.
«U cełym situacyja pakul praciahvaje paharšacca i navat źjaŭleńnie pieršych našych reziervaŭ na Kurskim kirunku pakul zdolnaje situacyju tolki krychu stabilizavać, ale nie bolš za toje», — padsumoŭvaje vajenkar.
Miž tym u telehram-kanałach źjaviłasia infarmacyja pra toje, što viadziecca surjozny boj za viosku Martynaŭka.
U toj ža čas telehram-kanał «VČK-OHPU», spasyłajučysia na miascovych žycharoŭ, śćviardžaje, što pamiežnyja vioski Koranieŭskaha rajona USU ŭtrymlivajuć nibyta małymi siłami. U niebie poŭnaje panavańnie ŭkrainskich dronaŭ, a terytoryju patrulujuć hrupy pa niekalki čałaviek.
Sami ž ukraincy vystavili svaje fota, zroblenyja kala viosak Novaivanaŭka i Lubimaŭka. Novaivanaŭka znachodzicca ŭ Sudžanskim rajonie, a Lubimaŭka — u Koranieŭskim.
Hierasimaŭ pad atakaj telehram-kanałaŭ: pra Kursk papiaredžvali, ale jon ničoha nie zrabiŭ
Syrski za siońnia zrabiŭ Zialenskamu try dakłady — «mienavita takija, jakija patrebnyja»
Rybar: Situacyja ŭ Sudžanskim rajonie ciažkaja
U Kurskuju vobłaść z Mali pierakidvajuć bajevikoŭ PVK «Vahnier»
Źjaviłasia VIDEA taho, jak rasijskija pamiežniki zdalisia ŭ pałon
«Ahresar zaŭsiody pažynaje adpaviednyja płady». Michaił Padalak — pra «niedatykalnaść rasijskaj terytoryi»
Ranica 8 žniŭnia: Ukraina kantraluje Sudžu, Koranieva ŭziać nie ŭdałosia, USU ruchajucca ŭ kirunku Lhova
Bai ŭ Kurskaj vobłaści — jakija mety mohuć pieraśledvać USU?
Kamientary