I čarhovy raz zaklikaŭ trymacca razam.
Kali ruchnie Rasija, usie astatnija dziaržavy SND buduć uciahnutyja ŭ hetuju varonku, zajaviŭ Alaksandr Łukašenka na sustrečy z udzielnikami pasiadžeńnia Savieta ministraŭ unutranych spraŭ dziaržaŭ — udzielnic Sadružnaści, piša BiełTA.
«Moža skłaścisia situacyja tak, što lubaja z nas — dziaržava — biez hetaha adzinstva nie abydziecca. I kali my siońnia heta nie zrazumiejem, z nami raźbiarucca paasobku. Ale kali abryniecca Rasija — my ŭ hetuju varonku ŭsie budziem uciahnutyja», — zajaviŭ Łukašenka.
Na sustrečy jon zaklikaŭ da zachavańnia adzinstva i supracoŭnictva na prastory Sadružnaści i pieraściaroh ad sprob šukać niejkuju imhniennuju vyhadu.
«Apošnim časam skłałasia takaja situacyja, u tym liku i ŭ suviazi z praviadzieńniem SVA (tak biełaruskija ŭłady śledam za Rasijaj nazyvajuć uvarvańnie va Ukrainu. — NN) va Ukrainie, što mnohija — i kiraŭniki, i siłaviki, čaho być kateharyčna nie pavinna, — pačali niejkuju dla siabie vyhadu ŭ hetym šukać. Vy viedajecie, mužyki, miarkujučy pa svaim dośviedzie, skažu, što žyćcio takoje burnaje ciapier i vielmi źmienlivaje. Mnohija šukajuć vyhadu, u tym liku sychodziačy ad ahulnaha našaha, stvoranaha ŭ savieckija časy trendu raźvićcia. Niekatoryja (dumajuć): «Dalej ad Rasii budziem trymacca, jana pad sankcyjami. My niejak baimsia trapić pad ich i hetak dalej… Šukajem svaju vyhadu». Nie rabicie hetaha».
«Chto jaho viedaje, što budzie zaŭtra z nami, z našymi dziaržavami, i ci nie pryjdziecca da toj ža Rasii źviarnucca pa dapamohu. A apošnija padziei kažuć, što nikomu my nie patrebnyja. Ni Rasija, ni my z vami i hetak dalej. Nam treba trymacca razam», — zajaviŭ Łukašenka.
Kamientary