Infarmacyja pra śmierć teleprapahandysta Jaŭhiena Paddubnaha nie paćvierdziłasia
Pra śmierć rasijskaha prapahandysta Jaŭhiena Paddubnaha pieršym paviedamiŭ u svaim telehram-kanale deputat Dziarždumy Michaił Dzialahin. Paśla heta paćvierdzili krynicy mnohich rasijskich kanałaŭ i ŚMI, choć aficyjnaj infarmacyi pakul niama.
UPD. Jak vyśvietliłasia, Paddubny paranieny, ale žyvy.
41-hadovy Jaŭhien Paddubny, pracujučy va Usierasijskaj dziaržaŭnaj teleradyjokampanii (kanał «Rasija») aśviatlaŭ z punktu hledžańnia intaresaŭ Kramla praktyčna ŭsie vajennyja kanflikty, jakija Rasija niepasredna arhanizoŭvała ci ŭ jakija ŭviazvałasia pry Pucinie: napad na Hruziju ŭ 2008-m, vajna ŭ Siryi i inšyja.
Prapahandysckaje zabieśpiačeńnie vajny va Ukrainie Paddubny rabiŭ z samaha jaje pačatku, z 2014 hoda. U jaho było bolš za 700 tysiač padpisčykaŭ u telehram-kanale.
Akramia taho, jon byŭ davieranaj asobaj Uładzimira Pucina na prezidenckich vybarach u 2018 i 2024.
Za blizkaść da Kramla i prapahandysckija vysiłki Paddubny byŭ uniesieny ŭ sankcyjnyja śpisy Jeŭrasajuza, Vialikabrytanii, Aŭstralii.
Siońnia Jaŭhien Paddubny pracavaŭ u Kurskaj vobłaści, apošniaje jahonaje videa było apublikavana ŭ 12:38.
Na hetym videa Jaŭhien Paddubny raskazvaŭ pra fantastyčnyja straty ŭkraincaŭ — 250 zabitych i 750-1000 paranienych.
Adnak vyhladaje, što zabitym akazaŭsia jon sam. U jahony aŭtamabil nibyta trapiŭ FPV-dron.
Kamientary