Na babrujskaj radyjostancyi vybuchnuŭ skandał z-za vinšavańniaŭ viaźniaŭ kałonii №2
«Zaj, list atrymała, adkazik sa śpisam palacieŭ. Doma ŭsio ŭ normie. Biaskonca sumuju», — typovy prykład takoha vinšavańnia.
Na babrujskaj radyjostancyi Zefir FM zdaryŭsia skandał z-za vinšavańniaŭ asudžanym papraŭčaj kałonii №2. Viadučaha mohuć adchilić ad prahramy, paviedamlaje Mayday.team
Havorka idzie ab prahramie «Šałom», jakuju viadzie Michaił Hucin i jakaja vychodzić štodnia z 19:00 da 20:00. Hetuju prahramu ź nieciarpieńniem čakajuć u VK-2.
Na praciahu hadziny viadučy prosta začytvaje pryvitańni i vinšavańni ŭ efiry, adnak u niekatoryja dni praktyčna ŭsia prahrama składajecca z paviedamleńniaŭ svajakoŭ viaźniaŭ papraŭčaj kałonii. Takaja situacyja skłałasia z-za taho, što administracyja VK-2 zatrymlivaje listy i dazvalaje zanadta karotkija telefonnyja zvanki dachaty.
Na minułym tydni prahrama stała pryčynaj razborak. Michaiła Hucina vyklikali i papiaredzili, što kali nie pierastanie čytać paviedamleńni dla asudžanych, to budzie źniaty z efiru. Ź inšaha boku, viadučy nie moža viedać, jakoje mienavita paviedamleńnie moža być adrasavana viaźniam.
Voś prykład adnaho z takich vinšavańniaŭ:
«Chatniaje pryvitańnie dla …. Zaj, list atrymała, adkazik sa śpisam palacieŭ. Doma ŭsio ŭ normie. Soniejka, biaskonca kachaju ciabie, varjacka sumuju, abniała da chrabuścieńnia, rascałavała ŭsiaho-usiaho. Tvaja Kachanaja».
Ciapier takija paviedamleńni kiraŭnictva radyjostancyi ličyć niedapuščalnymi, bo ŭ ich źmiaščajucca nibyta schavanyja pasłańni. Dakładniej, adkul pryjšło rasparadžeńnie razabracca, pakul ciažka zrazumieć.
Radyjostancyja Zefir FM źjaŭlajecca častkaj dziaržaŭnaha pradpryjemstva «Infarmacyjnaje ahienctva «Babrujsk Miedyja». U jaho skład jašče ŭvachodziać telekanał «Babrujsk 360», haziety «Babrujskaje žyćcio» i «Trybuna pracy», internet-sajt BobrLife.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha13
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary