Pad Minskam prachodziać spabornictvy pa adžylici. Što heta takoje?
Siońnia pad Minskam prachodziać spabornictvy pa adžylici, u jakich udzielničajuć nie ludzi, a sabaki. Kali koratka, to heta kali sabaka na chutkaści prachodzić pałasu pieraškod, piša «Anłajnier».
U hetych spabornictvach važna nie pierabłytać paśladoŭnaść elemientaŭ i ničoha nie źnieści, tamu pobač z sabakam zvyčajna biažyć jahony skancentravany haspadar.
Dapuskajucca ŭsie parody, tamu paśla «niemca» moža vystupać jork abo dvarniak (ale ŭ roznych katehoryjach u zaležnaści ad rostu sabaki).
Spabornictvy mižnarodnyja, turnir atrymaŭ nazvu «Zapalvajučy sercy». Uziać u im udzieł mohuć dzieci i junijory (havorka pra ŭzrost uładalnikaŭ, a nie sabak). Darosłyja sa svaimi sabačkami taksama mahli vyjści na dystancyju, ale tolki ŭ adkrytaj častcy mierapryjemstva.
Zabiehi raściahnulisia na dva dni — jany buduć prachodzić siońnia i zaŭtra. Placoŭka dla spabornictvaŭ raźmiaściłasia ŭ vioscy Harani, na terytoryi centra padrychtoŭki, pavyšeńnia kvalifikacyi i pierapadrychtoŭki kadraŭ MUS Biełarusi.
Jak raspaviali karespandentu «Anłajniera» ŭ Vialikaj fiederacyi kinałahičnych vidaŭ sportu, za dva dni spabornictvaŭ pakazać siabie pavinny 85 spartsmienaŭ ź Biełarusi i Rasii. Parod vielmi šmat: ale, zdajecca, u topie ŭlubioncaŭ bordar-koli. Taksama šmat šełci, papijonaŭ, špicaŭ.
«Łu, my ciabie reabilitujem!» Adkrylisia novyja padrabiaznaści kanfliktu nutryi i łabradora ŭ maładziečanskaj sažałcy
U Homieli sabaka bajcoŭskaj parody prosta kala padjezda zahryz susiedskuju čychuachua
Biełarusy ŭ Varšavie ładziać viasielle dla svaich buldohaŭ. U niaviesty i žanicha budzie ŭsio — ad torta da kaściumaŭ
Va Uździenskim rajonie dačnikaŭ druhi hod teraryzuje zhraja badziažnych sabak. Čynoŭniki ničoha zrabić nie mohuć
Sudziać hiendyrektara BiełAZa. Pahražaje da 15 hadoŭ9
Kamientary