Łukašenka na 20-y dzień paśla ŭrahanu prylacieŭ u Mazyrski rajon
Alaksandr Łukašenka ŭ Mazyrskim rajonie aznajomicca z chodam rabot pa likvidacyi nastupstvaŭ stychii, ad jakoj u lipieni paciarpieŭ hety i šerah inšych rehijonaŭ krainy, piša BiełTA.
Jamu paviedamiać ab likvidacyi ŭ Homielskaj vobłaści i Mazyrskim rajonie nastupstvaŭ urahanu, ab elektrazabieśpiačeńni ŭ paciarpiełych rehijonach, likvidacyi nastupstvaŭ stychii lesahaspadarčymi ŭstanovami.
Łukašenka ŭ tradycyjnaj maniery vykazaŭsia ab zadačy pa dapamozie nasielnictvu: «Treba hladzieć (situacyju na miescach). Ludziej kryŭdzić nie treba. Kali tak zdaryłasia, treba ludziam dapamahčy, jak treba».
U vyniku prachodžańnia navalničnaha frontu 14 lipienia ŭ lasnym fondzie Mazyrskaha doślednaha lashasa ad mocnaha vietru paciarpieli lasnyja nasadžeńni na płoščy kala 4,1 tys. ha.
U horadzie i rajonie niekalki dzion nie było śviatła i vady.
Kamientary