«Biełyja čuvaki za Kamału». Zorka amierykanskaha kino dapamahła Charys sabrać $4 młn
Paśla kampanij «Čornyja žančyny za Charys» i «Biełyja žančyny za Charys» startavała kampanija White Dudes for Harris — «Biełyja čuvaki za Charys».
Džef Brydžes dapamoh Kamale Charys sabrać bolš za čatyry miljony dalaraŭ na pieradvybarčuju kampaniju, piša Bild.
Paśla kampanij «Čornyja žančyny za Charys» i «Biełyja žančyny za Charys» startavała kampanija White Dudes for Harris — «Biełyja čuvaki za Charys». U jaje asnovie — Čuvak, kultavy piersanaž Džefa Brydžesa z kamiedyi «Vialiki Leboŭski» bratoŭ Koen.
Brydžes, jaki dziakujučy hetaj roli zavajavaŭ miljony prychilnikaŭ pa ŭsim śviecie, sam dapamahaŭ źbirać hrošy dla pieradvybarnaj kampanii Kamały Charys. Jak piša vydańnie Washington Post, amal 200 tysiač čałaviek achviaravali Charys bolš za čatyry miljony dalaraŭ.
U padtrymku Charys u ramkach akcyi «Biełyja čuvaki za Charys» taksama vykazalisia akcior Mark Chemił, jaki źniaŭsia ŭ «Zornych vojnach», akcior ź filma «Pačatak» Džozef Hordan-Levit, zorka «Uładara piarścionkaŭ» Šon Estyn, a taksama muzyka Łens Bas z hrupy 'N Sync.
Nieŭzabavie paśla paśpiachovaha zapusku zbor srodkaŭ na čas byŭ sarvany — rachunak White Dudes for Harris na płatformie X Iłana Maska byŭ raptoŭna zabłakavany.
Pa danych Washington Post, heta adbyłosia z-za «parušeńni našych praviłaŭ abychodu błakirovak». Praź niekatory čas akaŭnt adnavili.
Džef Brydžes źniaŭsia taksama ŭ takich viadomych karcinach, jak «Čałaviek z zorki», «Pretendent», «Płanieta Ka-Peks», za rolu ŭ filmie «Varjackaje serca» jon atrymaŭ premiju «Oskar».
Kamientary