Jaho dačka naradziłasia ŭžo paśla śmierci 18-hadovaha baćki.
18-hadovy žychar rasijskaj Ciumieni Jarasłaŭ Lipaŭski padpisaŭ kantrakt ź Ministerstvam abarony Rasii praź niekalki dzion paśla paŭnalećcia. Siamja prapanoŭvała jamu abrać naftavuju halinu i pracavać vachtami, ale siabry padkazali, što na vajnie zarabić praściej. Jany sami byli padpisaŭšy kantrakty i raskazvali, što ciapier słužyć stała lahčej. Da taho ž, jany mierkavali, što Jarasłava naŭrad ci adrazu adpraviać na pieradavuju. Adnak ich prahnoz akazaŭsia pamyłkovym, piša 72.ru.
Chłopiec padpisaŭ kantrakt u sakaviku 2024 hoda, i litaralna praz paru dzion jaho zabrali na front.
Admietna, što doma ŭ jaho zastałasia ciažarnaja niaviesta Kaciaryna. Jana na niekalki hadoŭ starejšaja za svajho žanicha.
Navučańnie kantraktnika Jarasłava praciahnułasia tydzień. I ŭžo 11 krasavika jon pajšoŭ u składzie šturmavoj hrupy na pieršaje zadańnie. Tady ž apošni raz parazmaŭlaŭ z rodnymi. Skazaŭ, što jaho pastavili na kulamioty ŭ pieršuju liniju z arhumientam «viedaŭ, kudy idzie, kali kantrakt padpisvaŭ».
Pieršaje bajavoje zadańnie akazałasia dla Jarasłava apošnim. Čamu ž pamiž śmierciu kantraktnika i pachavańniem prajšło try miesiacy? Stolki času šukali jaho cieła. Maci narakaje, što jeździła ź Ciumieni ŭ Rastoŭ i Łuhansk, kab usio ž zabrać cieła syna.
Dačka Vijaleta naradziłasia za tydzień da pachavańnia svajho hora-baćki.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary