sprabavała Liza Kavalčyk. Siońnia - jak Cim Biortan i K apranali paciešnych aboje-raboje Hutata i Hulala (Trulala i Tralala) dla svajho novaha filma.
 |
Cim Biortan zrabiŭ vizit u Dzivosnuju krainu Ljuisa Kerała i pa pavarocie źniaŭ film: krychu žachałku, krychu z Džoni Depam i ź vialikaj dozaj pieršaradnaj čaroŭnaj adsiabieciny (Alisie ŭ im nie 7, a 19, dy jana chavajecca ad brydkaha žanicha). Za jaki miesiac da premjery zazirniem za zasłonu i pahladzim, jak zdymałasia «Alisa ŭ krainie cudaŭ».
Siońnia — jak kinošniki apranali paciešnych aboje-raboje Hutata i Hulala ( jakich pa-anhielsku kličuć Tvidłdam i Tvidłdy, a pa-rasijsku Trulala i Tralala).
 |
1. Śpiarša dvuch amataraŭ pabicca z-za brazhotki namalavaŭ maestra Cim Biortan i zaprasiŭ brytanskaha komika Meta Łukasa. «Ja ŭjaviŭ ich hareźlivymi dzietkami viktaryjanskaj epochi, — kaža Met Łukas, jakomu daviałosia ŭvasablać adrazu dvuch piersanažaŭ. — Tamu ja syhraŭ ich ździaciniełymi. U mianie heta lohka ŭdałasia, bo ja sam — vialikaje dzicia».
 |
2. Uva što nie ŭlezieš dziela mastactva! Meta Łukasa zdymajuć u speckaściumie. Sprava — jaho dublor.
|
3. Ad pieramieny miescaŭ składnikaŭ u kino suma ŭsio ž mianiajecca. Kali chto nie zaŭvažyŭ — Łukas ciapieraka sprava.
 |
4. Kab pierajści da etapu kampjuternaj animacyi, zachoŭvajem u ličbavym vyhladzie kivomihi i roznyja rakursy hałavy.
 |
5. Tvar Łukasa supastaŭlajuć z atrymanym mulciašnym vobrazam dziela bolšaj dakładnaści mimiki.
 |
6. Vopratka, futra i pierje. Animacyja-ŭciełaŭleńnie zavieršanaja.
 |
7. A hetak vy ŭbačycie ŭsio na ekranie, dzie animacyja spałučajecca z krajavidam Dzivosnaj Krainy. Supastaŭlajem karcinku 1 i 6 — znajdzicie 10 padabienstvaŭ.
 |
8. Kali vam hetaha zamała, dyk hlańcie, jak ujaŭlaŭsia Hutata i Hulala pieršymu afarmlalniku Kerałaŭskaha «Zalustroŭja».
Darečy, paru miesiac tamu vyjšaŭ cudoŭny biełaruski pierakład Viery Burłak «Alisy ŭ Zalustroŭi», jaki nadrukavaŭ časopis ARCHE.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień13
Kamientary