50-hadovy mužčyna pravieŭ u psichijatryčnaj balnicy 25 hod biez pašparta i viedańnia taho, chto jon. Jamu dapamahli sudmiedekśpierty.
Sudovyja ekśpierty Dziaržaŭnaha kamiteta sudovych ekśpiertyz pa Mahiloŭskaj vobłaści dapamahli vyznačyć asobu pacyjenta balnicy, jaki nie mieŭ pašparta hramadzianina Biełarusi.
Bolš za dvaccać hadoŭ tamu ŭ psichijatryčnuju balnicu pastupiŭ małady mužčyna bieź nijakich dakumientaŭ, jaki nazvaŭ davoli biednyja źviestki pra siabie: proźvišča, imia i hod naradžeńnia. Jak paśla vyjaviłasia — niedakładnyja. Inšyja źviestki, u tym liku miesca žycharstva, u siłu svajho psichičnaha zdaroŭja pacyjent paviedamić nie moh. Pošuk svajakoŭ pośpiecham nie ŭviančalisia.
U 2024 hodzie danyja hienatypu pacyjenta źmiaścili ŭ bank danych DNK Dziaržaŭnaha kamiteta sudovych ekśpiertyz.
Pry praviercy pa bazie vyśvietliłasia, što jaho hienietyčnyja charaktarystyki adpaviadajuć hienietyčnym charaktarystykam žychara Viciebskaj vobłaści 1945 hoda naradžeńnia. Pacyjent balnicy i nazvany hramadzianin mahli zjaŭlacca svajakami pieršaha paradku — baćkam i synam.
Paćvierdzić abo vyklučyć svajactva mužčyn mahła b hienietyčnaja ekśpiertyza, adnak žychar Viciebskaj vobłaści pamior 9 hadoŭ tamu, u toj čas jak u jaho zastalisia dzieci. Adzin jaho syn, jaki pakutavaŭ na psichičnaje zachvorvańnie, źnik bieź viestak u 1998 hodzie. U ramkach vyšukovaj spravy ŭ baćki źnikłaha 15 hadoŭ tamu adabrali bijałahičnyja ŭzory i źmiaścili hienietyčnyja charaktarystyki ŭ bazu danych DNK. Jaho hienietyčnyja charaktarystyki i supali ŭ bazie z hienatypam pacyjenta mahiloŭskaj balnicy.
Dla praviadzieńnia sudovaj hienietyčnaj ekśpiertyzy adabrany bijałahičnyja ŭzory ŭ 40-hadovaha syna pamierłaha baćki.
Pa vynikach ekśpiertyzy vyznačana, što pacyjent psichijatryčnaha špitala i 40-hadovy žychar Viciebskaj vobłaści z vysokaj stupieńniu vierahodnaści zjaŭlajucca bijałahičnymi svajakami i mohuć być rodnymi bratami.
Takim čynam, vyniki ekśpiertyzy dapamahli nie tolki ŭstanavić asobu pacyjenta balnicy — im akazaŭsia ŭradženiec Viciebskaj vobłaści, 1973 hoda naradžeńnia, ale adyhrali vielmi važnuju rolu ŭ dalejšym žyćci mužčyny.
Praz 25 hadoŭ čałaviek znoŭ zdabyŭ siamju — svajaki zabrali jaho ź lakarni dadomu.
Siarhieju Dubaŭcu — 65. Pahutaryli pra novyja knihi, dražnieńnie Łukašenki, biznes na Zanzibary i samy ščaślivy čas11
Kamientary