Niadaŭniaja historyja pra toje, jak Biełarusbank admoviŭ u prośbie vyrabić kartku «BiełKart» ź imiem i proźviščam uładalnika pa-biełarusku, atrymała chutki praciah.

Roŭna praz try dni paśla taho, jak byŭ pakinuty zapis u knizie zaŭvahaŭ i prapanoŭ, mnie patelefnavali na pracu i vietlivy žanočy hołas zaprasiŭ u adździaleńnie na Miaśnikova, 40 za novaj kartkaj, asabliva było padkreślena, što imia i proźvišča na joj «na biełorusskom jazykie».

Kartka «BiełKart» vyrablena na takoj samaj płastykavaj asnovie, jak i Maestro (da jakoj jana dajecca davieskam). Proźvišča ŭładalnika vycisnuta kirylicaj.

Pa słovach supracoŭnicy Biełarusbanka, kali vy chočacie atrymać «BiełKart» pa-biełarusku, to recept nastupny:

1) Proźvišča i imia pavinny być zapoŭnieny ŭ zajavie na biełaruskaj movie (kirylicaj) — hetaha budzie (znoŭ ža, pa słovach supracoŭnicy) dastatkova, kab i na kartcy vašaje imia było pa-biełarusku.

2) Zajava pavinna pastupić u adździaleńnie Biełarusbanka (u maim vypadku — Miaśnikova, 40) da 5-ha dnia miesiaca, jaki paznačany na kartcy (termina dziejańnia kartki), bo kali na kart-rachunak štomiesiac naličvajecca zarabotnaja płata, to bank aŭtamatyčna, biez vašaj zajavy, pačynaje praces vyrabu novaj kartki, i pa zmoŭčańni jana budzie na ruskaj movie, tamu hety momant istotny.

P. S. Zdavałasia b, što prablema vyrašana, ale jak raz siońnia mnie dasłali adkaz z «Bankaŭskaha pracesinhavaha centru» na moj zapyt praz formu zvarotnaj suviazi pra mahčymaść vypuskać kartki «BiełKart» z proźviščam pa-biełarusku (padaju na movie aryhinała):

Dobry dzień, Mikałaj!

Sapraŭdy, praviłami sistemy «BiełKart» praduhledžana mahčymaść druku na kartcy imia i proźvišča na biełaruskaj movie. Ale, na žal, techničnaja mahčymaść druku na kartcy litary «ŭ», jakaja vykarystoŭvajecca tolki ŭ biełaruskaj movie, zaraz adsutničaje. Zamiežnaje abstalavańnie dla druku na kartkach patrabuje adpaviednaj pierarobki, što kaštuje peŭnych hrošaj. Naša pradpryjemstva nie pracuje ź fizičnymi asobami, našymi zakazčykami źjaŭlajucca banki. Va ŭsialakim vypadku Vam treba źviartacca ŭ bank.

Z pavahaj, Hłuškoŭ Alaksandr Vasiljevič,

kiraŭnik Upraŭleńnia ahulnasistemnaha raźvićcia AAT «Bankaŭski pracesinhavy centr»

Mission [im]possible?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?